الامهات بتعد تقارن ابنها باخوه ..و بابن الجيران ..و بفلان الى اشطر
منه ..و بعلان الى اذكى منه ..و مين طلع الأول و مين طلع التانى
فبينشأ عنده انه لازم يكون الاشطر و الاذكى و الاحسن
مش انه يكون شاطر و ذكى و كويس ..المقارنة المستمرة تولد
التنافسية الشديدة
ساعات الأم بيبقى عندها غيرة شديدة من أصحابها ..من اخواتها .من اخوات جوزها ..من زمايلها ..فبتغرس فى ولادها هذا الأمر بدون ماتحس
دايما اغرسى فى ابنك انه متفرد ..لاتقارن نفسك بالآخرين ..لان
القدرات مختلفة ..ربنا خلقنا كدة مختلفين
قارن نفسك دلوقت بنفسك زمان
يعنى لما ييجى يجيب درجات حلوة لاتسأليه : حد جاب درجات
احسن منك ؟
مين طلع الاول ؟
فلان اشطر منك و جاب درجات احسن
كدا غلط
قدرات الاطفال مختلفة زى قدرات الكبار بالظبط
و التنافس مع الآخرين غلط ..لان لكل واحد قدراته
و الطفل لو قدرته ضعيفة بيحبط جدا من دوام المقارنة و بيوصل
لدرجة انه خلاص مش فارق معاه
قارنى درجات الشهر دا بدرجات الشهر الى فات ..
علشان لا تضعيه فى تحدى مع الآخرين بل فى تحدى مع نفسه
دايما
انه يحاول يطور نفسه و يخطو خطوات للامام هو دا الى عايزين
نزرعه دايما فيه
جاب 7 من 10 و كان بيجيب 5 هايل
جاب 9 من 10 و كان بيجيب 7 ممتاز
لاتنظرى الى النتيجة النهائية ..انظرى الى معدل انجازه عما سبق
و شجعيه و حفزيه
المهم تكونى فخورة بيه و مقتنعة بالفكرة علشان تقدرى توصليها
ليه
فكرة التحدى الذاتى ..تحدى نفسك
أفضل بكتير من تحدى الآخرين الى ممكن تورث الغيرة و الحسد
ليست هناك تعليقات:
إرسال تعليق