فهو لا يتكلم معهم الا بالزعيق و النقد و تصيد الاخطاء لدرجة ان البنات بيكرهوه و مش بيحبوا يعدوا معاه
حاولت معاه كتير و مفيش فايدة
- للاسف ساعات كتير الرجل بيكون اتربى بشكل معين و عايز يربى اولاده بنفس الطريقة
او ان عنده فكرة ان اكسر للبنت ضلع يطلع لها 24 و ان اسلوب القسوة هو الى هيعدلهم
او يمكن مش بيحب البنات اصلا و كان نفسه فى صبيان ..علشان كدة مش طايقهم
لو تأثيره سلبى على البنات ..يبقى الافضل انك تفصلى القوات بينهم
يعنى تخلى اللقاء بينهم محدود بقدر الامكان
لو قاعد فى مكان يقعدوا فى مكان تانى
بلاش خروج معاه
يناموا فى الوقت الى هو بيرجع فيه بالليل
و تحاولى تحببى البنات فيه و تحببيه فيهم بطريق غير مباشر
يعنى مثلا هاتيلهم هدايا و قوليلهم شوفوا بابا جاب لكم ايه
خليهم يجيبوا هدايا لباباهم فى يوم ميلاده مثلا
قوليلهم ان بابا بيقول كذا (مدح ليهم )
بس هو مش بيعرف يعبر عن حبه ليكم ..بس هو بيقولى انه بيحبكم اوى اوى
وانه ازاى بيتعب فى شغله علشان خاطرهم
و انه دايما يكلمنى عنكم و عايز يسعدكم
و من ناحيته هو كمان حاولى تخليه يحبهم و يحن عليهم بنفس الطريقة
دا البنت بتقولى انا نفسى اوى ابوس بابا و احضنه بس بتكسف
انا بحب بابا اوى ياماما و نفسى اسعده ..اسعده ازاى
الكلام دا طبعا ممكن يكون كذب
بس يجوز الكذب فى الاصلاح بين المتخاصمين
حاولى تستمرى على هذا المنوال فترة
علشان تقوى العلاقة بينهم..يمكن يجيب نتيجة
ليست هناك تعليقات:
إرسال تعليق