فيه اطفال بيلاحظوا مع الوقت ان الاب و الام مش بيقدروا يعاقبوهم على اخطاءهم وهم مثلا فى بيت اهاليهم ..او لو ضيوف عند حد ...او لو فيه ضيوف فى البيت .
و بيسوءوا فيها
لو حسيت ان ابنك كدة بيتمرع أدام اجداده او الضيوف
انتظروا لما تروحوا البيت او يمشى الضيوف و اتكلم معاه فى الموضوع دا
انت ابنى حبيبى الى دايما مهذب
بس انا لاحظت انك بتعمل كذا و كذا فى بيت جدو
او بتعمل كذا لما بييجى الضيوف
و انا مش عايز اعاقبك أدامهم و لا تضطرنى انى اعمل كدة حفاظا على كرامتك انت
حسسه انك مش بتعاقبه علشانه هو ..مش علشان انت مكسوف من الناس و مش عايز تضايقهم ...لانه هيحس ان دى نقطة ضعفك و ممكن يتمادى فيها
قل له انت كدة بتضايق الناس ..و هم كدة مش هيحبوك ..و معدوش هيجولنا تانى ..ولا احنا كمان هنروح طالما انت بتضايقهم كدة
لو الموضوع دا اتكرر هتتحرم من كذا ...او هتتعاقب بكذا
و انا واثق انك الموضوع دا مش هيتكرر تانى
قبل ما ييجى الضيوف
وقبل الزيارة
هتفكروا تانى بما اتفقتم عليه
لو اتكرر و عملها
يبقى العقاب يتنفذ بمنتهى الحزم لما ترجع البيت
هيعد يترجاك و يقولك انا اسف و مش هعمل كدة تانى ..
صمم على العقوبة
لو استجبت لتوسلاته هيتعود على ان دى وسيلة للتهرب من العقوبة و معدش هيحترم كلمتك مهما هددت و توعدت
قل له الاسف بسبب الغلط
و العقوبة بسبب تكرارها ..علشان تفتكر الا تكررها
ليست هناك تعليقات:
إرسال تعليق