الانسان الذى لايحترم نفسه ... لا يحترم الآخرين
فهو اما يشعر بالنقص العميق فى ذاته فبيحاول يدارى هذا النقص باهانة الآخرين حتى يشعر فى قرارة ذاته انه الافضل
واما عنده نرجسية و حاسس انه فى قرارة نفسه انسان محصلش و انه دايما الافضل ودا بيخليه يحتقر دوما الاخرين و يهينهم
الانسان المحترم لنفسه ..يقدر دوما ذاته ..و يرى فى نفسه انه انسان مكرم ....كرمه الله على سائر مخلوقاته لانه انسان ....و كرمه الله على سائر خلق الله بان من عليه بنعم لايملكها الكثيرون من خلقه
و بالتالى فهو ينظر الى الآخرين نفس النظرة ..يحترم آدميتهم ..و ينظر الى مايميزهم عن غيرهم و يقدر هذا الأمر فيهم
اهانة الزوج لمراته تشعرها انه مش راجل ...مهما كان صوته و صراخه و غضبه و انفعالاته و قوته الظاهرة
لكنها فى قرارة نفسها تنظر ليه نظره احتقار ...
و يبان دا فى كلامها عنه فى غيابه ..
تلاقيها بتتكلم عنه بمنتهى السخرية و الاستهزاء مع اهلها و صديقاتها
و تلاقيها لاتحترم رغباته و لا طلباته و لا كلماته و لا افكاره و يشتكى دايما انها مش بتحترمه
و مع الوقت بعد ماكانت بتستحمل أدامه هتلاقيها ترد الاهانات و لسانها يطول عليه و يمكن ايديها كمان
الرجل الحقيقى يشعر انه مسئول عن كرامة زوجته ..فلايسمح باهانتها لا منه و لا من اهله
كونك انك اتعودت تشوف والدتك بتتهان من ابوك ...او اتعودت انك تهينها و هى تسامح ..او اتعودت انك تهين حبيبتك و عادى هى بتستحمل علشان بتحبك وعايزة الجوازة تكمل ..او اتعودت تهينها و هى مراتك و هى بتحاول تعديها علشان المركب تمشى ....
مش معنى كدة ان اهانتها أمر عادى ...وانها هتستحمل حتى آخر العمر
( فما أكرمهن الا كريم وما أهانهم الا لئيم )
انت كدة و لا مؤاخذة فى نظرها مش راجل
ليست هناك تعليقات:
إرسال تعليق