عند توجيه الابناء الكبارمن عمر المدرسة حاول دوما أن تحول التصرفات الى انت عايزهم يلتزموا بيها الى مبادىء ..قيمة ....قاعدة
و ان يكون تركيزك على المبدأ اكتر من التصرف او السلوك
دا بيربى الضمير عنده ..الضمير الذى يحمل هذه القيم و المبادىء و التى يبنى عليها أغلب سلوكه
و بيأصل المبادىء دى فى عقله و قلبه بحيث يكون عنده ميزان يوزن عليه اى سلوك هو ممكن يعمله او شايف الآخرين بيعملوه
الطفل دون سن المدرسة لايدرك المبادىء و لا يفهم المعانى المجردة كالصدق و الامانة و النظام و النظافة ..لابد أن يتم توصيف هذه المعانى الى سلوكيات كى يفهمها
و عندما يكبر يبدأ فى فهم هذه المعانى بالتدريج
على سبيل المثال :
غسيل الوجه بعد النوم
غسيل الاسنان
الاستنجاء بعد دخول الحمام
تغيير الملابس المتسخة
غسل اليدين قبل الكل وبعده
كل دى تصرفات بتدور كلها حول مبدأ النظافة ...ركز على مبدأ النظافة و على الحديث عنه اكتر من تركيزك على اهمية السلوك نفسه
دا بيخلى المبدأ يتربى فى ضميره و يرسخ فى عقله بالتكرار المستمر و التعود
لما حد يقولك سر ما تقولوش لحد
لما حد يديلك حاجة تحافظ عليها لحد ما ترجعها ليه
لما تدخل بيوت حد ماتعدش تحكى على الى حصل فى البيت
لما تعرف ان حد عمل غلط ما تفضحوش
لما حد يكلفك بمهمة و انت وافقت عليها لازم تؤديها كما ينبغى
التصرفات دى مبنية على مبدأ الامانة (امانة الاشياء و امانة الاسرار )
لما توجهه الى المبدأ ...بتبنى عنده الضمير الحى و تأصل للاخلاق
الأهم من دا كله انك تكون انت نفسك ملتزم بالمبادىء دى ...
هو مش هيقتنع ان الكذب غلط الا لو انت التزمت بالمبدأ
مش هنغرس فيه مبدأ الاتقان الا لو انت ملتزم بيه
الطفل لن يقتنع بمبدأ الا لو شاف انها بتطبق ادامه و دا بيخلى لكلامك مصداقية معاه
ليست هناك تعليقات:
إرسال تعليق