علاقتى بشريك حياتى ..من أين أبدأ؟

تطوير العلاقة الزوجية و تحسينها يعتمد على ثلاث محاور :

التفاهم العقلى
و الحب القلبى
التواصل الجسدى

المفروض انى باخد كل محور و أحاول أطور فيه و أحط خطوات عملية لذلك و ألزم بيها نفسى

و لا اتركها كدة للظروف و حسب تساهيل ربنا

و اننا نجتهد فى الدعاء و الرجاء بدون فعل 

على سبيل المثال :

لتطوير الحب القلبى

اسأل نفسى :

ايه الحاجات الى شريك حياتى بيحبها و نفسه انى اعملها 

و ايه الحاجات الى بيكرهها و نفسه انتهى عنها

و احط قائمة بالحاجات دى و ابدأ فى التنفيذ بالتدريج
مش لازم مرة واحدة
لو عملت تغيير واحد و الزمت نفسى بيه خلال شهر واحد هعود نفسى عليه و هيصبح عادة مع الوقت
لاتنتظر دوما رد فعل من الطرف الآخرو تنتظر انه يتغير  ..اصنع انت التغيير الذى تريد

و هو لو لقى ان التغيير دا مستمر و ليس عارض هيبذل مجهود اكتر 

لتطوير التفاهم العقلى :

افكر ايه الموضوعات الى احنا دايما مختلفين فيها و مفيش بيننا تفاهم حولها
افكر فيها بينى و بين نفسى
بدل ما أنا مصممة على رأيى و هو مصمم على رأيه
طب إيه الوضع الوسط الى ممكن نوافق عليه احنا الاتنين ..

و ازاى اقنعه بيه

طب هل الموضوع دا مهم انه يتناقش

و الا ممكن نتجاهله و معدناش نتكلم فيه و مش هيأثر فى حياتنا 

لتطوير التواصل الجسدى :

العلاقة الحميمية ليست مجرد علاقة سرير 

هى تواصل جسدى متواصل على مدار اليوم لازم احرص عليه من التقبيل بانواعه و التحسيس و المداعبة و الاحتضان و التدليك 

احاول اعيد التواصل دا بالتدريج و احرص عليه تماما 

ماينفعش يعدى اليوم و مفيش اى تلامس جسدى بينكم 

ولو العلاقة الجنسية بقت رتيبة و روتينية ادور على الجديد و اقترحه عليه

على فكرة العلاقة الزوجية الناجحة تعتمد اساسا على ذكاء كل منهما و ليس حب كل منهما للآخر
الحب مهم 

بس الحب الغبى يقتل العلاقة
فكر بعقلك ازاى تطور العلاقة وابدأ التغيير من نفسك
ولا تجعل كل تركيزك على ازاى أغير الآخر
ماهو مش هيتغير الا لما يلاقى تغيير ايجابى و مستمر و ثابت  منك انت الاول

مجرد المبادرة هتحسسك بالسيطرة على علاقتك
مش انها قدر محتوم و مكتوب و مفيش فايدة
العلاقة الانسانية ليست قدر محتوم

ربنا وعدنا بالتغيير لو احنا اتغيرنا

بادر و ابدأ