المرأة بصفة عامة ربنا خلقها أكثر حساسية من الرجل
و الحساسية يعنى انها تثار تجاه اى مؤثر فى محيطها بشكل أكبر ..و بتلاحظ هذه التغيرات بشكل اكبر
وربنا خلقها كدة علشان مهمة الزوجية وتربية الاولاد محتاجة هذه الحساسية العالية ....علشان تستجيب لطلباتك و طلبات الأطفال بسرعة أكبر
هى ممكن تفهم ابنها لمجرد انه يبكى هو عايز ايه ..عايز يغير والا ياكل و الا ينام و تستجيب
هى ممكن تفهم انت متضايق من ايه من مجرد النظر ليك .و ممكن تفهم كمان انت عايز ايه و تستجيب
لكن ساعات الحساسية دى لما بتزيد حبتين ..بتكون شخصية حساسة ...و الشخصية الحساسة تعاملها رائع مع الناس منتهى الذوق و الادب لانه حساس اوى لمشاعر الآخرين
لكن مشكلتها انها بتبقى حساسة أوى بشكل سلبى ...يعنى بتفسر و تفهم أى تصرف مهما كان بسيط من وجهة نظرك على انه مشكلة كبيرة و تصرف مشين
و دا بيبقى لاختلاف درجة الحساسية بينكم
يعنى انت ممكن تقول كلمة بتهزر معاها ...وتوجعها اوى
ممكن تتصرف تصرف انت بتطلعه بشكل تلقائى جدا و عادى ..يؤلمها جدا
ممكن نظرة واحدة و تغير ما فى ملامح وشك ...يؤذيها
الشخصية الحساسة دى مشكلتها انها فاهمة ان كل الناس زيها ...و انك فاهم و قاصد تضايقها....و ازاى انت تعمل كدة ......و دا سبب النكد المزمن الى عندها
للأسف هى ربنا خلقها كدة
بس انت ممكن تتكيف و تتغير علشان تستوعبها بتغيير ردود أفعالك
يعنى انت أول ما تلومك على فعل انت عملته ...بتعد تبرر و تنكر
و ممكن تزعق و تتعصب ...
و ممكن تعد تحاول تقنعها انها غلط ....وان دا مش قصدك ...
و ممكن تزهق من كتر النكد و تهملها و يكبر الموضوع و هو صغير
عزيزى :
لو اخدتها فى حضنك و طبطبت عليها و قلت لها أنا آسف يا حبيبتى مكنتش اعرف ان الموضوع دا هيزعلك كدة ...الموضوع هينتهى اول ما يبدأ
و ياسلام لو جبت لها وردة و لا شيكولاته و الا اى حاجة بسيطة وانت جاى ...دى عندها بالدنيا ....فالحسنات يذهبن السيئات
ومهم تحاول تفهم ايه الى بيضايقها بالظبط و تحاول تتجنبه فى المستقبل
غير ردود أفعالك ....و جرب مش هتخسر حاجة ...يمكن دا يكون علاج لحياتك الكئيبة ...جرب وادعيلى
ليست هناك تعليقات:
إرسال تعليق