على فكرة دى ميزة ..معنى انه بيحب البيت يعنى انت زوجة ناجحة موفراله الهدوء النفسى الى هو محتاجة بعد الرجوع من الشغل
معناها انه بيرتاح فى بيته و دى وسام على صدرك ..افتخرى
احمدى ربنا انه مش بيخرج كل يوم مع اصحابه
احمدى ربنا انه مش بيروح قهوة و لا بيسهر بالليل
بس للاسف دا ساعات بيتعبك لانك بتبقى نفسك ترتاحى من مسئولية البيت شوية ..انا حاسة بيكى
علشان كدة بقولك لاتعتمدى عليه كتير فى موضوع الخروج دا ..لو مش بيحبه ..و ما تضغطيش عليه لانه ممكن يخرج مكرها و ينكد عليكى
حاولى تخرجى مع اصحابك ..مع اهلك ..انشاله تخرجى لوحدك لو حسيتى انك مخنوقة اوى ...روحى اقعدى على كافيه نص ساعة و ارجعى نوع من التغيير
بلاش يكون الخروج سبب مزمن للخناق بينكم
للاسف البنات بعد الزواج بتهمل علاقات الصداقة و علاقتها بالاهل و علاقاتها بالناس ...و فاكرة ان جوزها هيعوضها كل دول ...و دا مش بيحصل ابدا ..ولا يمكن يقدر على كدة نهائى
حافظى على علاقاتك و كونى علاقات صداقة جديدة ..اخرجى معاهم و اتفسحى معاهم و تسوقى معاهم و فضفضى (بس مش أوى ) معاهم
فان الزوج لن يعوضك عن غياب كل الناس
زى ما انت محتاجة زوج ..انت محتاجة صديقة ..ولكل منهما دور مختلف فى حياتك
انت ممكن تعدى معاه و تقوليله انت مش بتحب الخروج معايا ليه
مايمكن انت الى بتكونى نكدية
ممكن الخروج بالاولاد بيبقى حمل تقيل عليه بيزهق منه
ممكن المصاريف بتكون كتيرة و بتعمل حمل على الميزانية
يمكن هو غيور اوى و مش بيحب حد يشوفك ..فيه رجالة كدة
الاسباب كتير ..
ولو فيه حاجة ممكن تصلحيها ..اوعديه انها تتصلح
لكن لو حاجة مش هتتصلح ..خلاص عليكى و على اصحابك
ليست هناك تعليقات:
إرسال تعليق