هتلاقى مساحات اكبر فى البيت تتحركى فيها
هتلاقى مساحات الولاد تتحرك و تلعب فيها
هتحسى ان شغل البيت و الترتيب و التنظيف اقل
و الفركشة اقل بكتير
لو مش بتتكلمى كتير هتلاقى غلطاتك اقل و هتلاقى نفسك بتسمعى اكتر و هتلاقى نفسك محبوبة اكتر لانك بتسمعى اكتر مما بتتكلمى
لو مش بتاكل كتير هتلاقى جسمك اجمل و صحتك افضل و هيبقى سهل عليك تلاقى هدوم شيك و جميلة عليك
لو مش بتعمل علاقات كتير و مكتفى بعلاقات طيبة و مثمرة قليلة و محافظ عليها هتلاقى نفسك محاط باشخاص يرفعوك و يدفعوك و يسعدوك بدل من الكم الكبير الى بيحبطوك و يقرفوك و يستفزوك
لو مش بتفكر كتير فى الناس ومين قال ايه و مين بص ازاى و مين كشر ليه
لو بتكبر دماغك عن تفاصيل الاحداث و الاشياء
هتلاقى عقلك بيفكر فى مهام اكبر و انجازات اكبر بدل ماهو شاغل نفسه بالصغائر و التناتيف
لو مش بتشتغل كتير
لو نظمت المهام الى وراك و قسمتها الى حاجات مهمة و ضرورية و حاجات مش مهمة و لا ضرورية
مش هتلاقى مجهودك بيضيع فى حاجات صغيرة مالهاش لازمة
و هيقل الجهد الى بتبذله الى حد كبير وهتوفر صحتك و راحة بالك
كتير اوى اوى بتلاقى السعادة فى القليل
ليست هناك تعليقات:
إرسال تعليق