اتعودنا فى تربيتنا لأولادنا اننا نصور ليهم إن بابا و ماما مش بيغلطوا
و لما يغلطوا نبرر
أصل انتوا الى جننتونى ..
اصل انا تعبانة ..
أصل بابا تعبان فى الشغل ..
أصل بابا مشغول
ربى أولادك على الصح و الغلط ...
الصح كذا حتى لو مش بعمله
و الغلط كذا حتى لو عملته
لما تعمل حاجة غلط كن شجاع و اعترف انك غلطان ..
بدال مايقلدوك والغلط يتوارث عبر الاجيال
و لو الغلط فى حق والدتهم اعتذر لها أدامهم ...
و لو الغلط فى حق جوزك اعتذرى ليه أدامهم
و لو الغلط فى حق واحد فيهم اعتذر ليهم
ماتعدش تبرر غلطاتك ..
و بعدين تقول ولادى مش بيعترفوا باخطاءهم و دايما يبرروها .
وآفة التبرير متغلغلة فى شخصيتك
خليهم دايما ينظروا الى الصح و الغلط كمبدأ بعيداََ عن الأشخاص
فالمبدأ ثابت ..و الانسان يخطىء و يصيب
و احنا بنعانى سياسيا من ارتباط المبادىء بالأشخاص بقالنا كام سنة
و اتقسمنا و اتفرقنا و بنقتل بعض بسبب تحيزاتنا الى أفراد و ليس مبدأ
خلى الطفل لايرتبط بشخص لأنه هيكون إمعه ليه
يحسن إن أحسن و يفسد إن فسد
خليه لايرتبط حتى ببابا أو ماما
خليه يرتبط بالمبدأ المجرد
ربوه عنده مبادىء و عنده ضمير
ليست هناك تعليقات:
إرسال تعليق