مشكلة كبيرة يعانى منها الجميع مشكلة الوعى الذاتى
يعنى قدرتك على فهم نفسك
تحديد افكارك
قراءة مشاعرك و معرفة اسبابها
التعرف على معتقداتك و مبادئك التى تحكم تصرفاتك
التعرف على دوافعك و نواياك ....ليه أنا بتصرف بالشكل دا ؟
كتير أوى تلاقى ناس بتتصرف تصرفات هى مش عارفة بتعملها ليه و لا بتحاول تعرف
كتير اوى بتحس ان قلبها حزين و تعبان و مزاجها وحش بدون سبب واضح
كتير اوى مش بيفتش ضميره بيقوله ايه ..هو اتصرف كدة على حسب ما اعتاد و خلاص
كتير اوى مش محدد افكاره لى بتحكم تحركاته
الانسان الى مش بيعرف يفهم نفسه ..غالبا مش بيعرف يفهم الناس
و بتلاقى عنده دايما مشاكل فى علاقاته بالآخرين
الانسان القوى نفسيا هو الى قادر يفهم نفسه
والى بيفهم نفسه كويس بيقدر يطور من مميزاتها و يستغل قدراتها كويس
ويقدر يحسن من عيوبها و مشاكلها
افهم نفسك قبل ما تحاول تفهم الناس و تصدر احكامك عليهم
اعرف نفسك قبل ما تعرف العالم الى حواليك بيحصل فيه ايه
خد وقتك للتفكير فى نفسك و مصاحبتها قبل ما تدور على صاحب او شريك حياة
صالح نفسك ..و خلوا علاقتكم حلوة ببعض ..قبل ما تحسن علاقتك بالآخرين
افهمها
حبها
احترمها
حررها من قيودها و شرنقتها لى هى خانقة نفسها بيها ( السن - كلام الناس - الخوف من الحسد - مآسى الماضى - الخوف المزمن من زعل الآخرين - الخوف من المستقبل )
خليك عادل معاها و اديها الى هى محتاجاه علشان تحيا و تنمو
اهتم بيها ..علشان كل ما تنضج و تنمو و تتطور هيبقى عندك قدرة اكبر على الاحساس بالسعادة و على اسعاد الآخرين
ابدأ بنفسك أولا
ليست هناك تعليقات:
إرسال تعليق