أحد مشاكل مجتمعنا اننا نفتقد العدل فى نظرتنا لمن يرتكب الاخطاء فنفرق بين الصغير و الكبير و بين الرجل و المرأة
فالخطأ من الكبير غير الخطأ من الصغير
يعنى الكبير يشرب سجاير عادى لكن الصغير لأ
الكبير يشتم عادى لكن الصغير لأ
الكبير يضرب عادى لكن الصغير لأ
الكبير يكذب عادى لكن الصغير لأ
الكبير يتفرج على افلام اباحية عادى لكن الصغير لأ
والخطأ من الرجل غير الخطأ من المرأة
الرجل لما يشتمها عادى لكن لما هى تشتمه تكون قليلة الادب
لما يضربها عادى لكن لو هى ضربته تبقى متوحشة
لما يخونها عادى لكن لو هى خانته تبقى واطية
لو طلقها علشان مش بتخلف عادى لكن لو طلبت الطلاق علشان هو مش بيخلف تبقى قليلة الاصل
لما يطلقها و يتجوز غيرها و يرمى ولاده عادى لكن لو راحت هى اتجوزت وسابت ليه الاولاد تبقى ست وحشة
هذه النظرة خلت الرجال تفجر فى الاخطاء اكتر و اكتر
فالمجتمع يتقبل مثل هذه الامور و لا يحاسبه عليها
هذه ليست دعوة الى ثورة النساء و الاطفال
و لكن هى دعوة لأن تعيد النظر فى أفكارك السلبية الى عششت فى مخك انك لا تسأل عما تفعل ...انا الراجل
و تجعلك ترتكب الخطأ بدون ما حد يحاسبك
و تظلم أقرب الناس ليك ظلما لا تشعر بيه
وتنسى ان هناك من لايغادر صغيرة و لا كبيرة الا احصاها
و تحسبونه هينا و هو عند الله عظيم
ليست هناك تعليقات:
إرسال تعليق