يادكتورة أمى أولى عندى من زوجتى ميت مرة ..الجنة تحت اقدام الامهات
احيى حضرتك جدا على برك بوالدتك و ربنا يجعله فى ميزان حسناتك يارب
لكنى احذرك من الظلم ..فالظلم ظلمات يوم القيامة
والى ماتقبلوش على بنتك و اختك من حمواتهم ..ماتقبلوش على مراتك
و برك بوالدتك هيتمسح باستيكة لو ظلمت مراتك ..لان سيئاتك معاها هتضيع الحسنات الى مع والدتك
لو ماقدرتش ترفع ظلم والدتك عن مراتك ....يبقى افصل القوات بينهم
وافتكر برده ان مراتك ام ..و الجنة تحت اقدامها برده
و للاسف فيه زوجات كتير عانت من حمواتها و بيتعمل عندها عقدة نفسية بتطلع كل الى عملته فى زوجات اولادها
اسأل كدة كثير من الحموات الظالمات ..هتلاقيهم عانوا هم كمان من حمواتهم
يعنى اعمل حساب ولادك بعدين
ليست هناك تعليقات:
إرسال تعليق