الزوجة الى بتعد تكتم فى نفسها و تكتم مشاعرها عن زوجها و تستحمل الاذى منه و هى صابرة و محتسبة ..لها جزاء الصبر
لكن للاسف المشاعر دى بتظهر بشكل لا ارادى تماما فى نظراتها ..
فى ملامح وشها المكشرة دايما ..
فى انفعالها المستمر على اولادها ..
فى فلتات لسانها ..
و بتوصل برده للطرف التانى أكيد ..
و بيحس مهما دارت انه انسان مش محبوب
لو زوجتك صابرة عليك ..
و انت مصمم تستمر فى ايذاءها ...عمرك ماهتحس بالسعادة معاها
و بتلاقيها تسلك وسائل للتنفيس علشان تقدر تستحمل
اما الشكوى المستمرة و فضيحتك على كل القنوات الفضائية
اما بتطلع غلبها فى الاولاد ..و هتلاقى تربيتهم و نفسيتهم سيئة
اما بتطلع غلبها على أهلك ...و مش طايقة حتى تبتسم فى وشهم
اما هتكتم فى نفسها و تصاب بامراض نفسية زى الاكتئاب او امراض عضوية و تلاقى كل حاجة فيها بتضرب وكل شوية عند الدكاترة
يا اما هتدعى عليك و تلاقى ربنا بيبتليك بالمصايب و تعد تقول يارب انا عملت ايه فى دنيتى
و حديثا ظهرت الخيانة الالكترونية و الفضفضة مع حد يطبطب عليها ماتعرفوش على صفحات الفيس
المهم هى هتلاقى ليها منفس لامحالة علشان تقدر تكمل معاك
وانت و بختك
ليست هناك تعليقات:
إرسال تعليق