وراها حاجات كتير اوى و مش عارفة تعمل حاجة ...فحاسة بالضغط
أو عندها وقت فراغ كبير اوى و مش عارفة تملاه..فحاسة بالملل
من أروع الدورات الى اخدتها فى بدايات حياتى دورة تنظيم الوقت
ابحثى عنها على الانترنت هتلاقى دورات كتير
هتلاقى كتب كتير بتتكلم عن الموضوع دا
لما تنظمى حياتك بتحسى بالتوازن
و انك ماشية فى كل الخطوط متوازية مع بعض و مفيش جانب بيطغى على جانب
و لما تصحى الصبح و تكونى محددة تماما وراك ايه النهاردة بتحسى ان يومك منجز فى أخره
أنا شخصيا عندى محاور يومية ثابتة كل يوم بعمل فيها حاجة
مع النفس :
روحيا : العبادة
عقليا : القراءة او اى تدريب عقلى على مهارات التفكير
قلبيا : عمل يسعدنى
جسديا : رياضة
مع الغير :
زوجى : عمل يسعده
اولادى : عمل تربوى
البيت : العمل الروتينى
الاهل : تواصل اسبوعى ...متقسم على ايام الاسبوع
الاصدقاء : تواصل اسبوعى ..متقسم على ايام الاسبوع
الشغل : عمل تطويرى + العمل الروتينى
مع المجتمع :
- الفيس بوك : الكتابة اليومية + رد على الاستشارات
- الاعداد للدورات الصيفية و الاكترونية
- كتابة فى الكتاب الجديد
دا مثال للهيكل العظمى لخطتى اليومية ..خطتى أنا
لما تكون البنود واضحة فى ذهنك ...و تعملى كل يوم حاجة فى كل بند
هتحسى فى آخر يوم انك سعيدة و ممتنة لربنا انه قدرك على انجاز حاجات كتير
انتى ممكن تكونى بتعملى اغلب الحاجات دى بشكل يومى و روتينى ...او انك سايبة كل حاجة للظروف و للمزاج
بس لما بتكونى مخططة ليها بتحسى انك ممشية حياتك وفقا لما تريدين انت و ليس لما يريده الاخرون و انك مسيطرة عليها و مسيطره كمان على مزاجك و الظروف
حطى لنفسك الهيكل العظمى لاعمالك اليومية
و حطى فى كل يوم اول ما تفتحى عينك او بالليل قبل ما تنامى ما تقومين بيه خلال يومك
هتحسى بالانجاز و السعادة و السيطرة فى آخر اليوم
سيطرى و حطى خطتك
ليست هناك تعليقات:
إرسال تعليق