فى أى حوار تجريه مع طفلك او مع شريك حياتك
قدرتك على الاقناع والتأثير تعتمد على مصداقيتك ...
و مصداقيتك تعتمد على احساس الآخر انك تعمل فى مصلحته لا لأجل مصلحتك انت الخاصة و انانيتك
على سبيل المثال :
- عندما تحاول اقناع طفلك بأهمية المذاكرة
لاتقل : انا عايزك تكون شاطر و تجيب درجات حلوة علشان انا هكون سعيد و فخور بك
كدة هو بيحس انك عايزه يذاكر علشان مصلحتك انت ..علشانك انت كأب او أم
قل : المذاكرة دى مهمتك دلوقت ..العلم بيكبر عقلك ..و الواجب بيمرنك على المعلومات ..زى ما بتمرن عضلاتك على التمرين
اعطيه اسباب منطقية فى مصلحته هو و ليس فى مصلحتك انت
- عندما تحاول تقنعها بواجب اجتماعى ناحية اهلك مثلا
لاتقل : انت لازم تعملى علشان هم اهلى .و علشان منظرى أدامهم ...و علشان مايقولوش على مش رجل و علشان خاطر امى ..و علشان خاطر اختى
قل : علاقتك بأهلى لما تبنيها بنفسك كانك واحدة منهم هتجلب ليكى السعادة و راحة البال ..و بدل ما يكون عندك أم واحدة هيبقى عندك أمين
و بدل مايبقى عندك اخين هيبقى عندك اربعة و دا فى حد ذاته مكسب ليكى
حاول تحسسها ان تحسين علاقتها باهلك فى مصلحتها هى مش فى مصلحة اهلك
- لما تحاولى تقنعيه بالنزول للعمل
لاتقولى : ذاتى و اهراماتى و نجاحى و ثقتى فى نفسى و احساسى بالاستقلالية
قولى : الشغل هيخف مصروفى عليك و هيشغل وقتى بحاجة مفيدة علشان ماحسش انك مشغول عنى علطول ...و هيبقى عندى مواضيع نتكلم فيها ...شوفى هو متضايق من ايه و خلى الشغل حل ليها
الخلاصة :
لما تيجى تقنع حد بفكرة ...حسسه ان دا فى مصلحته هو مش فى مصلحتك انت ..دا بيخليه اقرب الى الاقتناع
ليست هناك تعليقات:
إرسال تعليق