لو عندك مشكلة واجهها و حلها

المصارحة مهمة جدا فى علاقة حميمية مشبعة

للأسف الشديد الرجل العربى غير صريح ..لان اى مشاكل عنده بيعتبرها طعنا فى رجولته و فحولته

كتير رجالة بيعانوا من الضعف و لكنه ينكر هذا الامر حتى بينه و بين نفسه ..
و دايما يلقى باللائمة على مراته و يطلع فيها احباطاته و عجزه

الرجولة مش انك تنكر ضعفك ...دا اسمه جبن ..
الرجولة فى انك تواجه مشكلتك ...و تعترف بيها ..و تلتمس العلاج ليها من الاطباء المتخصصين 
الحل مش فى المقويات بدون استشارة الطبيب 
الحل مش فى الصور و المشاهد الاباحية 
الحل مش فى مراتك الى عايزها زى الفنانات و الرقاصات

الحل جواك انت

واجه مشكلتك بشجاعة ....وانت حاسس ان دا لاينقص من رجولتك ..

الرجولة ليست فى اعضائك ..الرجولة فى عقلك و قلبك و روحك

صارح مراتك بالمشكلة ...احسن ما تدارى عليها و تتهرب منها ....و تزرع جواها بذور الشك و الغضب و الألم

لو مشكلتك انك مش بتحبها ...صارحها برده ..و اعطيها حرية الطلاق 
هى من حقها تدور على واحد يحبها و يسعدها برده 
زى ما دا حقك تماما

الاعتراف بالمشكلة ...و البحث عن حلول 
أفضل من اضاعة العمر فى الاسى و الحزن و الألم و الكبت 
و افضل من البحث عن منافذ اخرى بالخيانة للطرفين

واجه مشكلتك ....ولا تدفن راسك فى التراب بسبب الخجل و الجبن ....
قبل ما تدفنها من الخزى و العار