قالت صديقتى : كتير بشوف اخوات كبار ومتجوزين ومش بيحبوا بعض خالص واخوات تانيين بينهم جمود ومجاملات كانهم مش اخوات خالص واخوات تانية بيحبوا بعض جدا وأى خير أو فرحة بيعرفوها لبعض حب بجد نفسى لما بتانى يكبروا يحبوا بعض جدا ازاى اوصلهم لده
حبيبتى :
الحب بصفة عامة مش بايدينا نزرعه فى قلوب الناس ...دى حاجة لا ارادية بتحصل بين البشر
فالارواح جنود مجندة ماتعارف منها ائتلف و ما تناكر منها اختلف
و الحب بين الاخوات كذلك برده صعب أوى توجديه لان شخصيات الابناء مختلفة
احنا ممكن كمربين نعودهم على الاحترام و التعاون و الاحساس بالمسئولية تجاه بعض
بس صعب انك توجدى حب مش موجود
- التوقف نهائى عن المقارنة بينهم ...انت اشطر من فلان .... فلان أذكى منك ....أنا نفسى تبقى زى فلان ....فلان عمل كذا و انت ماعملتش
- التوقف نهائى عن التمييز و تمييز الكبير او الصغير او الولد او البنت او المريض او الضعيف بميزة زيادة .. فلان هو الكبير ..و اخوك الصغير ...و دا الولد لكن انتى بنت
انا بحب فلان علشان بيسمع الكلام ..انا بلعب مع فلان علشان فلان مش بيكسر لعبه
- العدل التام فى الاهتمام ..لازم الاطفال ياخدوا حقهم من اهتمامك الشخصى كل على حدة مش مجرد الرعاية و الخدمة
يعنى تعدى مع كل واحد على حدة ..و تتكلمى معاه ..و يبقى كل تركيزك و انتباهك معاه
ماتعديش معاهم كلهم بحيث تلاقى الكبير او المتكلم هو الى بيتكلم و التانى ضايع فى النص
- مش معنى العدل اننا نجيب لهم اشياءهم زى بعض ...احنا نجيب لكل واحد احتياجاته و طلباته هو و باختياره هو ...
و لو بعدها قال ان حاجة اخويا احسن او حاجة اختى افضل
ارفضى هذه المقارنة تماما و قوليله انت جبت الى انت عايزة و دا اختيارك
ولو حاسس ان التانية افضل ..يبقى نتعلم المرة الجاية اننا نختار صح
و شجعيهم على المشاركة بعد الاسئذان
لو عايز تلعب بلعبة اخوك استأذنه و من حقه يقبل او يرفض لانها بتاعته
لو حد من اخواتك طلب يلبس الكوتشى دا وافق حبيبى مفيش مشكلة لما يلبسه مرة
- نحاول نرقق قلوبهم على بعض ..اخوك بيعيط ممكن تشوف ماله ...
اختك متضايقة ممكن تعرف فيها ايه ...
اخوك مريض ممكن تساعده و تراعيه و تخلى بالك منه
بحيث يتعلموا التعاطف و الحنية على بعض و الاهتمام ببعض
- نحاول نخليهم يتعاونوا مع بعض فى عمل مشترك ..
يلا نرتب الاودة دى مع بعض ...
تعالوا نتفرج على البرنامج دا مع بعض ...
يلا نلعب اللعبة دى مع بعض
تعالوا نتكلم شوية مع بعض ...
التعاون بيخليهم يعرفوا ازاى يشتغلوا مع بعض حتى لو مش بيحبوا بعض
- عدم التدخل فى اى شجار بينهم و القيام بدور الحكم ..لان لو قمت بالدور دا هتكون ظالم ..وكل الاطراف هتشوفك ظالم
انت ممكن تتدخل علشان تمنع الاذى الجسدى او النفسى المرتقب .
.بس بقدر الامكان خليهم يحلوا مشاكلهم هم مع بعض
و انت من وراهم تحاول تصلح الموضوع بنصيحة كل واحد لوحده
- خلى دايما من دعائك اليومى الدعاء ليهم وبأن يؤلف بين قلوبهم و ينزل على قلبهم الحب لبعض فالقلوب بين اصبعين من اصابع الرحمن يقلبها كيف يشاء
و ربنا معاك
حبيبتى :
الحب بصفة عامة مش بايدينا نزرعه فى قلوب الناس ...دى حاجة لا ارادية بتحصل بين البشر
فالارواح جنود مجندة ماتعارف منها ائتلف و ما تناكر منها اختلف
و الحب بين الاخوات كذلك برده صعب أوى توجديه لان شخصيات الابناء مختلفة
احنا ممكن كمربين نعودهم على الاحترام و التعاون و الاحساس بالمسئولية تجاه بعض
بس صعب انك توجدى حب مش موجود
- التوقف نهائى عن المقارنة بينهم ...انت اشطر من فلان .... فلان أذكى منك ....أنا نفسى تبقى زى فلان ....فلان عمل كذا و انت ماعملتش
- التوقف نهائى عن التمييز و تمييز الكبير او الصغير او الولد او البنت او المريض او الضعيف بميزة زيادة .. فلان هو الكبير ..و اخوك الصغير ...و دا الولد لكن انتى بنت
انا بحب فلان علشان بيسمع الكلام ..انا بلعب مع فلان علشان فلان مش بيكسر لعبه
- العدل التام فى الاهتمام ..لازم الاطفال ياخدوا حقهم من اهتمامك الشخصى كل على حدة مش مجرد الرعاية و الخدمة
يعنى تعدى مع كل واحد على حدة ..و تتكلمى معاه ..و يبقى كل تركيزك و انتباهك معاه
ماتعديش معاهم كلهم بحيث تلاقى الكبير او المتكلم هو الى بيتكلم و التانى ضايع فى النص
- مش معنى العدل اننا نجيب لهم اشياءهم زى بعض ...احنا نجيب لكل واحد احتياجاته و طلباته هو و باختياره هو ...
و لو بعدها قال ان حاجة اخويا احسن او حاجة اختى افضل
ارفضى هذه المقارنة تماما و قوليله انت جبت الى انت عايزة و دا اختيارك
ولو حاسس ان التانية افضل ..يبقى نتعلم المرة الجاية اننا نختار صح
و شجعيهم على المشاركة بعد الاسئذان
لو عايز تلعب بلعبة اخوك استأذنه و من حقه يقبل او يرفض لانها بتاعته
لو حد من اخواتك طلب يلبس الكوتشى دا وافق حبيبى مفيش مشكلة لما يلبسه مرة
- نحاول نرقق قلوبهم على بعض ..اخوك بيعيط ممكن تشوف ماله ...
اختك متضايقة ممكن تعرف فيها ايه ...
اخوك مريض ممكن تساعده و تراعيه و تخلى بالك منه
بحيث يتعلموا التعاطف و الحنية على بعض و الاهتمام ببعض
- نحاول نخليهم يتعاونوا مع بعض فى عمل مشترك ..
يلا نرتب الاودة دى مع بعض ...
تعالوا نتفرج على البرنامج دا مع بعض ...
يلا نلعب اللعبة دى مع بعض
تعالوا نتكلم شوية مع بعض ...
التعاون بيخليهم يعرفوا ازاى يشتغلوا مع بعض حتى لو مش بيحبوا بعض
- عدم التدخل فى اى شجار بينهم و القيام بدور الحكم ..لان لو قمت بالدور دا هتكون ظالم ..وكل الاطراف هتشوفك ظالم
انت ممكن تتدخل علشان تمنع الاذى الجسدى او النفسى المرتقب .
.بس بقدر الامكان خليهم يحلوا مشاكلهم هم مع بعض
و انت من وراهم تحاول تصلح الموضوع بنصيحة كل واحد لوحده
- خلى دايما من دعائك اليومى الدعاء ليهم وبأن يؤلف بين قلوبهم و ينزل على قلبهم الحب لبعض فالقلوب بين اصبعين من اصابع الرحمن يقلبها كيف يشاء
و ربنا معاك
ليست هناك تعليقات:
إرسال تعليق