العلاقة الحميمية ليست مجرد علاقة جسدية ..
هى علاقة عاطفية أساسا يكون اللقاء الحميمى فى ذروتها
يعنى ماينفعش تكون منكد على مراتك طول النهار و عايزها بالليل تكون متألقة من غير ما تصالحها أو تراضيها ...
مفيش حاجة اسمها هى المفروض تعديها ..او تنسى و تسامح كدة لوحدها ....او لازم تتعود على طبايعى الزفت ...او انك تصالحها بالاسلوب دا
ماينفعش تكونى طول النهار طلبات ..و زن ...و شكوى ...و صراخ ...و تأنيب ...و شكلك غلط ..و ريحتك غلط ....و بعدين عايزاه مقبل عليكى و يستجيب لرغبتك من غير ما تعتذرى عن أى اساءة صدرت منك او على انك مضغوطة و صوتك عالى ...وتنيمى العيال و تهيأى الجو و ترجعى فاتن حمامة تانى بدل ما انت عاملة على الشريف
مفيش حاجة اسمها لازم يستحملنى و انا مضغوطة و العيال و الشغل و ال.....اللستة اياها
لو عايزة علاقة جنسية مشبعة لازم تبذلى جهد فى تحصيلها
المرأة اكثر تعقيدا فى دورتها الجنسية من الرجل ....
ووصولها الى ذروة متعتها أصعب بكتير و محتاج وقت اطول و معرفة و علم اكتر
لازم تتعلمى كويس انت بتوصلى ازاى علشان تقدرى توجهى زوجك للى انتى عايزاه
ماتقولش هو مش بيوصلنى و انت مش عارفة اصلا ممكن توصلى ازاى
اتعلمى و اقرئى او اسألى طبيبة متخصصة ..علشان تعرف وسائل الاثارة عندك و توجهيه ليها و جربى
كمان راعى زوجك ...مايبقاش تعبان و مرهق و مضغوط و عنده مشاكل و انت بتضغطى عليه و تطالبيه
حاولى تستوعبيه و تحتويه و تسمعيه و بلاش شغل الاحباط
انت السبب ..انت الى مسمعتش كلامى ..وانت كذا ..و انت كذا
دايما اديله الثقة فى نفسه ..و بانه قادر انه يتخطى الصعوبات ..و انك واثقة فيه و فى ربنا انه هيقف معاه ...دا لو اتكلم أصلا
لكن لو راجل كتوم و شايل فى قلبه و ساكت وكاتم ...و دا عامل له احباطات و مأثر على قدراته الجنسية ......يبقى ربنا معاك و يصبر
لو عايز علاقة حميمية مشبعة لازم تبذل جهد لتحصيلها
يعنى ما تبقاش مراتك مرهقة و مضغوطة و مزاجها متعكر ..و بعدين تطلبها
انت كدة بتزود الضغط عليها ..لانها بتعملها آداء للواجب برده
لازم توجد جواها الرغبة
بانك تفك الضغط و تديها فرصة تنفس ..استمع ليها شوية ..و تعاطف معاها ...و حسسها انك حاسس بيها و بمعاناتها ...
و لما تحس انها هدت و فضت كل الشكاوى
قل لها كلمتين تشجيع ..و اديها الثقة فى نفسها ...وانها جدعة و هتقدر تحل مشاكلها
اعرض عليها المساعدة ...لو حتى بالكلام بس ..عزومة مراكبية تحسسها انك حاسس بيها
و لما تحس ان مزاجها راق
قل لها كلام عاطفى حلو ..امدح شكلها ..امدح شطارتها ...قل لها بحبك ...داعبها و لاعبها ...قبلها ..المسها
فضى الضغط الى عليها الاول ..
و بعدين صلح المود البايظ
و بعدين على المود اللذيذ
دى مهمتك ..لو انت راجل بجد
الرجولة مش بس بقدراتك الجنسية التى لا تقهر
الرجولة بقدرتك النفسية و العاطفية انك تخليها مهيئة للقاء ...و سعيدة و مستمتعة بيه
ليست هناك تعليقات:
إرسال تعليق