نظرتك لنفسك عليها عامل كبير اوى فى احساسك بالسعادة
الانسان الى حاسس دايما بالذنب بسبب اخطائه المتتالية
الانسان الى حاسس دايما بالعجز و عدم القدرة على الانجاز
الانسان الى حاسس دايما انه غبى و مش عارف يحل مشاكله و لا يتخذ قراراته
الانسان الى حاسس ان قلبه مليان كره و غل و حسد و بغض
دا عمره ما هيحس بالسعادة ابدا
اوعى تحس بالذنب مهما أخطأت ..فكل ابن آدم خطاء ..و كلنا نخطىء ..و الخطأ ليس دليل غباء ..الخطأ كى تتعلم
تب الى الله و استغفر ..اعتذر لمن اخطأت بحقه علشان ضميرك يرتاح
اوعى تحس بالعجز ..انت قادر على الكثير جدا ....لكن انت حاصر نفسك فى سجن معتقداتك و افكارك و مشاعرك و خوفك من الفشل
خطط لما تريد و خد خطوة واحدة بس علشان تقضى على الاحساس دا
اوعى تحس بالغباء ..انت بس قليل الخبرة او قليل العلم ...
وكلما مر العمر كلما اكتسبت الخبرة اكتر ...وكلما تعلمت هتتحسن و هتبقى قادر تحل مشاكلك و مهارتك هتزيد
اوعى تحس ان قلبك مليان ...طهره اول بأول ...بالتغافل و الطناش ...بالتسامح و التناسى ...علشان خاطر سعادتك انت
السعيد حاسس بالرضا عن نفسه ..و عارف ان زى مافيه عيوب فيه مميزات
يعلم ان فيه نقائص و بيحاول يصلحها و بينجح ساعات و بيفشل ساعات
و هو عارف كويس ان دا طبيعى و هو دا جهاد النفس الى ربنا وصانا بيه
هو يعلم ان من حقه يغلط ...الغلط مش عيب ..لكن العيب انك تكرره بعد ما عرفت انه غلط
هو يعلم انه مقصر فى امور عديدة ...و بيسعى انه يعوض التقصير دا و بيجاهد نفسه
تقبّل نفسك كما هى ...و لا تيأس من الفشل
وقل دوما لنفسك ..ليس هناك فشل بل هى تجارب و خبرات
ليست هناك تعليقات:
إرسال تعليق