وَعَاشِرُوهُنَّ بِالْمَعْرُوفِ فَإِنْ كَرِهْتُمُوهُنَّ فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا)
المشاعر الانسانية لا حيلة لنا فيها ..لكن ربنا وهبنا القدرة على السيطرة عليها و على تصرفاتنا الناجمة عنها
فيه ناس تشوفهم تحبهم و ترتاح لهم من اول لقاء
و فيه ناس تشوفهم ما ترتاحش ليهم و تحس بنفور منهم
و فيه ناس تشوفهم ترتاح لهم ..لكن تكرههم لما تعاشرهم
و فيه ناس تشوفهم تحس بعدم الارتياح ..و لما تعاشرهم تحبهم
و هذا مايحدث فى العلاقة الزوجية بلا شك
مش هنقدر نتحكم فى مشاعر الحب و الكره دى لانها لا ارادية ..
بس ممكن نسيطر عليها و على تصرفاتنا بالعقل
الاصل فى العلاقة الزوجية العشرة بالمعروف
و الكره و البغض لايعطيك الحق ابداََ فى ايذاء الآخر ..
فالاصل هو المعاشرة بالمعروف او التسريح باحسان
و ربنا دلنا على ما يعين على السيطرة على مشاعر الكره بحيث لا تتحول الى ايذاء للآخر وان يظل المعروف هو قاعدة التعامل
ان تعيد النظر الى الجانب المضىء فى شخصيته (فعسى ان تكرهوا شيئا و يجعل الله فيه خيرا كثيرا )
قد تكون انسانة عصبية ..بس اغلب العصبيين حنونين جدا
قد تكون عندية ..بس اغلب الستات العندية ناجحة فى شغلها لانها بتصر على تحقيق اهدافها
قد تكون نكدية ...بس أغلب النكديات حساسة و بتحس بيك بتحاول ترضيك بقدر الامكان
قد تكون طلباتها كتير ....بس اغلبهم بيكونوا ستات بيوت ممتازة
قد تكون مش جذابة كأنثى ..بس ممكن تكون طيبة و روحها حلوة
دور دايما على الجميل فى شخصية زوجتك .
و حاول تركز على المواقف الايجابية الى فيها
دا بيهدى احساسك بالكره او بالغضب
و بيسيطر على تصرفاتك المؤذية ليها
و ممكن مع التدريب و التعود على النظر الى الايجابيات فيها تلاقى نفسك راضى عنها ..
مش لازم تحبها .. بس على الاقل مش كارهها ولا حاسس بنفور تجاهها ..
علشان تقدر تتعامل معاها بالمعروف
ليست هناك تعليقات:
إرسال تعليق