قال : ازاى السعادة تنبع من ذاتى ؟ واذا كان ذاتي دى مفيش فيه غير الم ووجع وحزن علي الماضي وكآبه الحاضر وخوف المستقبل بحثت في ذاتي دى لقيتها خرابه
ارمي ذاتك دى و غيرها
اقنع نفسك بامكانية التغيير ...التغيير ممكن يحصل بالتدريب المستمر ..و عن تجربة شخصية
الماضى ولّى و انتهى و لو ركزت عليه هيبوظ الحاضر و المستقبل
اكيد هنفتكره كل شوية
بس كل ما تفتكره قول لنفسك : هتفيد بايه العكننة الى انا فيها دى ..
لا هترجع الى فات و لا هتصلحه
الحاضر فيه حاجات حلوة كتيرة حاول تعيد توجيه التليسكوب على الجميل و هتلاقى
و اكتب قائمة بالنعم الى ربنا اعطاها لك فى حياتك هتلاقى كتير اوى
و اكتب مشاكلك
هتلاقيها اربع خمس مشاكل منغصة عليك عيشتك بالمقارنة بما اسبغه جل و علا عليك من نعم ظاهرة و باطنة
بص للنعم ...وحس اد ايه انت عايش فيها علشان تقدر تشوف الواقع على حقيقته مش من خلال نظارة سودا
المستقبل ارسمه فى خيالك و خطط للوصول ليه ..المهم تحط صورة جميلة ليه ..
و ماتعدش تستنى احلامك تتحقق بمعجزة الهية ..خطط و اتحرك ليها
مجرد انك بتتحرك هيحسسك بالسعادة
الموضوع دا بس عايز اعادة تركيز و توجيه لتفكيرك بارادتك
سيطر على الافكار الى مخك ...
و بدل ما طول النهار تفكر فى السلبيات
بص دايما على الايجابيات بارادتك علشان تقدر تحس بالسعادة
ليست هناك تعليقات:
إرسال تعليق