ليه الراجل مش بيحب العتاب ؟
سألت : زوجى بيتعصب و يغلط فى الكلام و عايزنى اعديها من غير ما اعاتبه و الومه ....
أغلب الرجال كدة حبيبتى هو مش عايز عتاب لعدة اسباب :
ممكن يكون حاسس انه غلط فعلا ...و مش عايز يعترف كالعادة ..الاعتراف تقيل على قلبه ...وانت بتضغطى عليه ...فيقوم يبرر أو يقولك انت السبب فتتعصبى اكتر
و ممكن يكون اسلوبك فى اللوم و العتاب مستفز ...
اغلب النساء لاتحسن ابدا العتاب ..بتكون عاملة زى الى ماسك الكرباج و نازل هات ماصدقت انه غلط ...و انت عملت و انت قلت و انت السنة الى فاتت قلت وانت من عشرين سنة فاتت عملت ...و تجيب من الشرق و الغرب و الشمال و الجنوب و الماضى و الحاضر و المستقبل
او ممكن تسخر منه
او ممكن حركات وشها تنم على عدم احترام ..زى عاوجة البق و النظرة من فوق لتحت و حركات الستات دى
بتخليه يزعق تانى و يتعصب تانى و يغلط تانى ..فبيفضل السكوت احسن
بصى الاسلوب المحبب للرجل هو الاسلوب المختصر جدا الواضح جدا ..الذى يقدم البديل ..فى كلمتين و بس
كنت أتمنى انك بدل ما تقول كذا تقول كذا ...بس خلاص
كان نفسى بدل ما تعمل كذا تعمل كذا ...full stop
اتعلمى دايما لما تتلكمى مع جوزك انك تجيبى من الآخر ...كتر الكلام لا بيخليه يفهم و بيعصبه و مش بيجيب اى نتيجة
ليست هناك تعليقات:
إرسال تعليق