المراهق يتعرض لتغيرات هرمونية سريعة بتخلى التوازن العصبى و الجسدى عنده مختل
حساسيته اكبر و عصبيته اكتر بتخليه يفقد اعصابه و ممكن يتصرف او يتكلم بشكل غلط
لو هو مكنش طفل عصبى اصلا ...الموضوع دا بيبدأ يظهر عليه مع سن المراهقة
المفروض أن ادرك ان هذا تصرف غصب عنه
و اقعد معاه و أفهمه التغيرات الى بتحصل فى جسمه (احاول اعرفها انا اصلا من الانترنت )
و اقول له انت ممكن تحس بالعصبية و الحساسية الشديدة خلال الفترة دى (علشان ما يبقاش عنده احساس مزمن بالذنب )
و نتفق مع بعض لما نوبات العصبية تحصل هنعمل ايه ؟
توقف تماما بتاتا عن اهانته و الشتيمة و الضرب و قلة الادب الى انت كمربى بتعملها علشان لاتهدم احترامه لنفسه و احترامه ليك ..
هو ممكن يخاف منك بس مش هيحترمك طول ما انت بتهينه
تتفق معاه
انا هستحملك .....فى مقابل انك تحاول تمسك اعصابك ..بحيث الا تكون العصبية مؤذية للاخرين
( الشتيمة و ضرب اخواتك و اهانتهم دى مرفوضة تماما )
لو عليت صوتك و اتكلمت بشكل غير مهذب ..انا هستحملك لان دا بيحصل بشكل غصب عنك ....و عليك انك تعتذر بعد كدة
لكن لو حسيت انك هتؤذى حد يبقى تدخل اودتك و تكف أذاك عننا
و لو أذيت حد ..تعتذر ليه و تحاول تراضيه
طبعا القانون دا لازم تكون انت بتنفذه الاول و تكون ماشى عليه فى اسرتك قبل ما تحاول تفرضه على ولادك
يعنى انت كمان توقف أذاك
و لو اتعصبت بتعتذرو تحاول تراضى الى اتعصبت عليه نفسيا و ماديا
لكن لو حاولت تفرضه على ولادك ..و انت مش ماشى عليه .
يبقى ولا مؤاخذه هتظهر ادام ولادك انك متناقض و ظالم و معندكش مبدأ وهتفقد احترامهم ليك
ليست هناك تعليقات:
إرسال تعليق