هناك أناس يعتقدون أن الحياة صراع و منافسة و حرب ليس فيها إلا فائز و خاسر فقط لا غير
وان الناس نوعين (مطرقة أو مسمار )
ويعتقد أنه إن لم يكن فائزا فهو خاسر
فحياته كلها سعيا حميما نحو الفوز بأى ثمن
هذا الانسان يعيش فى حالة حرب و صراع نفسي مستمر داخل نفسه و لا يشعر ابدا بالسلام و الهدوء النفسى
فمن صغره هو يفكر كيف ينتصر على فلان و يطلع الاول عليه فى المدرسة
فتلاقيه انانى ...لو فلان دا طلب مساعدته يأبى المساعدة ..و لو جاب درجات اعلى يتفرس ..و لو جاب ورق دروس كويس يخفيه عنه ..وممكن يفتن عليه للمدرسين كى يؤذيه
كل تفكيره كيف يحقق الخسارة لفلان و يحقق الفوز عليه فى التمارين
كل عقله و تفكيره ازاى انتصر و لا يشعر بذاته الا ان حقق هذا الانتصار على خصمه فلان
حتى فى علاقاته الانسانية يخوض حربا مع زملائه فى العمل لنيل رضا الرؤساء ..و حربا مع رؤسائه للحصول على منصبهم ..و حربا مع مرؤوسيه لتركيعهم لارادته
هو فى حرب مع شريك حياته لاخضاعه لارادته
و حرب مع اخواته لنيل رضا والديه ..
و حرب حتى مع ابنائه لفرض ارادته عليهم
حتى الملتزمين المتدينين منهم يعيشون الحياة كصراع بين الحق و الباطل فهو الحق و غيره الباطل
يجسدون الباطل فى اشخاص و ليس فى أفعال و تصرفات
حياته كلها صراعات للفوز ...وقد يسعد بفوزه
لكنه مع الوقت بيتعب و بيحس انه عايز يرتاح ...ولما ييجى يرتاح يلاقى نفسه وحيد و يلاقى نفسه حقق كل الى هو عايزه بس برده مش سعيد
لانه مش لاقى منافس شرس يكمل معاه المعركة
هذا الانسان قد يكون ناجح و عنيد و بيوصل لاهدافه بسرعة
و لكنه ابدا لن يكون سعيد ...و لن يشعر ابدا بالسلام النفسى و راحة البال و هدوء الضمير لانه ممكن يسلك اساليب غير اخلاقية لتحقيق الفوز
ربنا سبحانه و تعالى قسم الارزاق ...و ممكن كلنا نكون فايزين
و مش لازم فى اى موقف فى حياتك تحط نفسك فى خانة الخصم العنيد ..ليه ما تكنش المشارك المتعاون ؟
ليه بدل ما كل تفكيرك (أنا - أنت ) مايبقاش تفكيرك (نحن ) ؟
ليه دايما تفكر بمنطق (فوز - خسارة ) طالما ممكن تفكر بمنطق (فوز- فوز )
الناجح السعيد هو من ينظر الى الآخرين على انهم شركاء متعاونون فريق عمل مساعدون كلنا نسعى للفوز ..و ليس اعداء لابد من هزيمتهم
لانه يصل الى مايريد و يساعد الاخرين ايضا على الوصول الى اهدافهم
حتى ان وصل الى القمة
لايجد نفسه وحيدا و تحته المهزومين الحاقدين المغلولين
بل يجد نفسه فى القمة و حوله المحبين المساعدين المعاونين و هنا فقط يشعر بالسعادة
الحياة ليست معركة ضد حد
خلى معركتك مع نفسك ..و كيف تطورها بحيث يكون بكرة احلى من النهاردة حتى تشعر بالسعادة
والآخرون هم شركاء معاونون و ليسوا اعداء
ليست هناك تعليقات:
إرسال تعليق