لما تلاقى ابنك بدأت تظهر عليه علامات الرجولة .. بيطول ..شنبه و ذقنه بيظهروا ..صوته بيبقى عميق ...هتبدأ تنبهه و تهيأه لمرحلة البلوغ
الأفضل بالطبع ان يفتح الأب الموضوع مع ابنه لانه ممكن الكلام تتطرق الى اسئلة لا تعلمها الأم لأنها لم تمر بيها و ليس لها بيها علم ولا خبرة بخلاف الحديث مع البنت
حبيبى
ماشاء الله بدأت تطول و تكبر و صوتك بدأ يتخن و خلاص هنودع مرحلة الطفولة الى مرحلة الرجولة
خلال الفترة دى بيحصل تغيرات كثيرة فى الجسم نتيجة مواد كيماوية اسمها الهرمونات ممكن تكون اخدتها فى مادة العلوم
الهرمونات دى بتشتغل على الشكل من الخارج (الصوت و الشعر و الطول و الحجم و الملامح ) و بتشتغل على الجهاز التناسلى من الداخل لانتاج الحيوانات المنوية
و بتغير كمان من النفسية يعنى ممكن تلاحظ انك عصبى زيادة او بتحب تعد لوحدك كتير او كسلان شوية و د كله طبيعى و مرحلة و بتعدى
الحيوانات المنوية دى مهمة للانجاب بعد الزواج ان شاء الله تعالى ...
أى انسان بينشأ أول نشأته من خلية واحدة بس ...
نصها من الأم و نصها من الأب ..و الحيوانات دى هى الجزء الذكورى من الخلية الاولى
الحيوانات دى بتكون عائمة قى سائل ابيض لزج شبه اللبن له رائحة مميزة هتعرفها لما تنزل منك
و لما بينشف بيكون لازق فى الهدوم
لما السائل دا بيتكون دا الجهاز التناسلى بينزل غالبا و انت نايم و دا اسمه احتلام
لما بتحتلم بتصحى بتلاقى السائل دا فى هدومك الداخلية
لا تقلق دا امر طبيعى جدا بيحصل لكل الشباب و الرجال
كل المفروض عليك بعدها اك لما تقوم تستحمى علشان تعرف تصلى و تغيرهدومك طبعا
السائل دا مش بينزل الا وانت نايم
و دا بيفرق عن السائل الى ممكن ينزل و انت صاحى لو اتعرضت لاثارة جنسية و دا بيبقى شفاف زى الماية مش ابيض زى اللبن و دا محتاج بس وضوء ...
يعنى لو نزل و انت متوضى هتحتاج تعيد وضوءك تانى و ترش ماية على الهدوم الدخلية بس
أهم حاجة انك ماتقلقش من الموضوع دا لما يحصل
و لا تخجل منه
دا أمر طبيعى جدا
و تغتسل لما ينزل
ملحوظة :
مهم جدا فتح موضوع العادة السرية لانها منتشرة بين الشباب و بيقولوا لبعض عليها و دى الموضوع فيها يطول
اعملوا بحث علي الانترنت علشان تعرفوا اضرار التعود عليها و ادمانها و تنبهوا ابنكم ليها
ليست هناك تعليقات:
إرسال تعليق