يقول علماء النفس ان الذكريات الى بتتحفظ فى مخنا هى المواقف التى يصحبها مشاعر قوية ..يعنى مواقف مصاحبة لفرحة كبيرة او مواقف مصاحبة لتعاسة كبيرة ....أو احساس فظيع بالندم ..او احساس قوى بالقلق ..أو بالخوف
و بما ان الست اكثر عاطفية و انفعالية من الراجل بصفة عامة
فهى بتخزن الذكريات بشكل اكبر و بتخزن معاها المشاعر المصاحبة ليها
و علشان كدة هن (يكفرن العشير )
يعنى يوم مايعمل حاجة غلط ..تعد تفتكر له كل الغلط الى عمله فى حياته من أول ماعرفها ..
علشان الغلطات دى محفورة فى ذاكرتها مع المشاعر المصاحبة ليها
ودا بخلاف الرجل الى مش بيفتكر اوى كدة لانه اقل انفعالا بالاحداث
المهم حاولى عزيزتى تسيطرى على توارد الافكار و الذكريات السلبية لانها بتكبر الموضوع ..و بتلاقى نفسك بتجيبى من عشرين سنة فاتوا و هى خلاص احداث انتهت وولت
تذكرها الدائم بيخليها حاضرة دايما فى ذهنك .و مع استدعاءها بتجيب معاها المشاعر المصاحبة ليها و بيزود انفعالك اكتر
.اشغلى عقلك دايما بحاجة مفيدة علشان تحاربى الذكريات دى
و تقدرى تتصرفى فى الموضوع الجديد بحجمه الطبيعى و بموضوعية اكثر
ليست هناك تعليقات:
إرسال تعليق