طبيعة أغلب الرجال ان لما زوجته تقرب ليه أوى و تغدقه حنان و حب و عطاء و تفانى و دلع و اعجاب و مدح ...بيبدأ يزهق و يحاول يبعد شوية ..فبتلاقيه يخرج مع اصحابه ..يسافر ...يزور أهله ...
فيه رجالة بتحس ان الحب يفقدها الاستقلالية و الحرية ..و بتحس انها مخنوقة من كتر الحب ..فبيبقى عايز يبعد شوية علشان يستعيد احساسه بحريته و استقلاله
المرأة بتفسر دا على انه بيتمرع عليها ..او انه بيتجاهلها ...او انه معدش بيحبها وهو فى الحقيقة دى طبيعة ذكورية ان لم تراعيها المرأة هيفضل زهقان و قرفان و طهقان
ادى فرصة لزوجك انه يبعد شوية ....ولما يبعد هيحس انه مشتاق و ملهوف عليكى تانى
لكن لاتخنقيه بحبك ليه لانه هيحس انه زى العصفور المحبوس فى قفص الزوجية
و مش معنى كدة انك تتجاهليه ..او انك تكبرى دماغك منه ..او انك تتوقفى عن حبه و مدحه و الاعجاب بيه
لكن لازم يكون ليكى اهتمامات اخرى تشغلك فى حياتك ..مايكونش هو محور حياتك ..
ولا تستائى من هذا البعد فانه كالأستك المطاط ...يحتاج انه يتشد بعيدا علشان يرجع بقوة
ليست هناك تعليقات:
إرسال تعليق