ازاى الناس تنتقدنى أو تصدر أحكام على و ما زعلش ؟
لما حد ينتقدك هتزعل اكيد انت لحم و دم
بس هنوقف الزعل دا فى اسرع وقت بتقوية الثقة فى النفس و حديث النفس
لو الكلام الى بيقولوه فينا فعلا موجود ...عيب او قصور او خطأ
نعترف بمنتهى الشجاعة و لا نشعر بالحرج فى ذلك
و نقول لنفسنا طبيعى يكون عندى نقاط ضعف و أن ارتكب الاخطاء وهذا لا يعيبنى ابدا
محدش فى الدنيا كامل الاوصاف
و كل الناس عندها عيوب و نقائص
كنت زمان لما حد ينتقدنى اتحرج اوى و اقعد مكتئبة تلات اربع ايام
دلوقت لو الحاجة دى فىّ فعلا باخدها بهزار
و اقوله عندك حق انا اعترف
طب ماعندكش علاج ليها ربنا يخليك
و لو الكلام مش فىّ اقول لنفسى (رأيك فىّ لا يدلّ علىّ )
معلش كفاية انى عارفة انى مش كدة و اكيد هيفهم فى يوم من الايام انى مش كدة بأفعالى و تصرفاتى
ادراكك ووعيك و ثقتك فى نفسك بتلعب دور كبير جدا فى وقف اثر النقد عليك مهما كان لاذع
ليست هناك تعليقات:
إرسال تعليق