(ياأيها الذين آمنوا كونوا قوامين بالقسط شهداء لله ولو على أنفسكم أو الوالدين والأقربين )
للأسف كلنا بنزعل من رد الفعل و لا ننظر ابدا الى الفعل نفسه الى صادر مننا
جوزى صرخ و شتم و مد ايده على ..طب ماهو مش معقول هيعمل كدة الا لو انتى عملت حاجة استفزته
حماتى بتعمل و بتعمل و بتعمل ......ماهو اكيد انتى عملت حاجة خلتها تعمل كدة و شايلة منك
ابنى المراهق بيتعصب على و بيقل ادبه ....ماهو معلش هو مش هيتعصب كدة من غير ماحد يعصبه
صديقتى قطعت علاقتها بى ....ماهو مش معقول قطعت علاقتها من غير ما تكونى آذيتيها ايذاء شديد
فى حين اننا ندى لنفسنا مئات الاعذار لما نسىء التصرف و نصرخ و نشتم و نقل أدبنا
اصل هو الى استفزنى
اصل هو الى عمل كذا
أصل هو الى نرفزنى
درب نفسك على العدل حتى من نفسك ...علشان ربنا يساعدنا على اقامة العدل على أرضنا
اعدلوا هو أقرب للتقوى
ليست هناك تعليقات:
إرسال تعليق