اهمال الزوج لاشباع زوجته من مشاعر المودة و الرحمة و السكينة قنبلة موقوتة تنذر بانفجار العلاقة فى اى وقت
يغفل الرجال هذا الجانب الى حد كبير ..
و ينشغل عقله و تفكيره كلية بعمله أو اصدقائه أو الكورة أو السياسة أو أهله
و المرأة قد تكون عانت من هذا الحرمان من ابيها ..و من اخيها ..
و صانت نفسها فى شبابها انتظارا لزوجها الى سيعوضها سنوات الحرمان
لتصدم به يهمل هذا الاحتياج هو الآخر
و يكبر لديها الاحساس و يشكل نقطة ضعف رهيبة ممكن أن يتغلل منها اى انسان آخر فى حياتها
و تزيد معدلات الخيانة بشكل مضطرد ..و خاصة مع سهولة التواصل عبر وسائل التواصل الاجتماعى ..و ربنا يستر
للأسف يهمل الزوج لانه مش فاضى للكلام الفارغ دا ..مع انه ممكن يكون بيحبها بس مخه مش فاضى
أو لانه جاهل بأهمية هذا الاشباع للمرأة او بوسائل تحقيقه
او لانه مكسوف انه يبان انه بيحبها لان فى مخه قناعة ان حب الزوجة نقصان فى الرجولة
مع انه ممكن يفتخر بعلاقاته غير البريئة على الشات و دا من الفصام النكد فى مجتمعاتنا
او بسبب انه مش بيحبها ...او لانه انانى معندوش قدرة على العطاء ..او لانه منطقى و المشاعر لازم يكون ليها مبرر عنده ..او ....أو .....او ....
أيا كانت الاسباب ..فالنتيجة واحدة ...
عدم احساس الزوجة بحب زوجها ولا رحمته بيها و لا الاطمئنان الى وجودة جنبها ( مودة و رحمة و سكينة )
ندااااااااء عااااااااجل الى أزواااااااج هذا الزمااااااان
انقذ زوجتك مما تعانيه ..
فالعطشان فى الصحراء ممكن لو وجد بئر مياه سام هيشربها
اقتناعك بان دى هيافة كاقتناعك بان العربية بدال فيها بنزين يبقى مش محتاجة مية
العربية زى ما محتاجة بنزين (فلوس ) محتاجة مية ( علشان ما تسخنش )
و محتاجة برده (هواء ) لنفخ العجلات
لو حاسس ان المية و الهواء للعربية هيافة ....فلا تلومن الا نفسك
لو مش عارف ..درب نفسك و اتعلم واحدة واحدة ازاى تعبر لها عن حبك بالطريقة الى هى بتحبها ..و لو بدأت هتلاقى العجب و التغيير فى حياتك الزوجية و السعادة
لو مش قادر ..خليك شجاع و اعتذر لها و قل لها انا عارف انك محتاجة كذا ...وانا اسف انا مش هقدر اديكى الى انتى عايزاه ...
و لك مطلق الحرية فى اتخاذ قرار الطلاق لو مش هتقدرى تستحملى ..بدل ما تتصدم من انها بتطلب الطلاق على حاجة هايفة
أما بأة لو مش عايز.. علشان تذلها و تكسرها و تحس بانها دايما محتاجة ليك و تستمتع بهذا الاحساس ...وعارف و قادر و مقتنع بس مش عايز
يبقى ابشر بمعاناتك الدائمة اللانهائية من النكد و القرف و الخناق و كل دا هيطلع على ولادك بعد كدة و تلقى حياتك بقت جحيم
الاختيار لك
فاختر لنفسك ما تريده لاسرتك
ليست هناك تعليقات:
إرسال تعليق