المرأة المسترجلة تخفى ضعف دفين داخلها بالصوت العالى و العصبية و العند و الرغبة الحميمة فى فرض الرأى على الجميع
و ممكن تهمل فى منظرها رفضا لأنوثتها
و ممكن تتكلم بشكل دايما فيه تحدى
و ممكن بتفكر دايما بفكرة فوز-خسارة ..لازم أفوز علشان التانى يخسر
و ممكن تكتم مشاعرها الجميلة تماما لاحساسها أن المشاعر ضعف و تبدو قاسية جافة
وفى تصرفاتها بتفكر فى المصلحة و المنفعة لنفسها بس
المرأة القوية مختلفة تماما
عندها ثقة داخلية فى نفسها ...
صوتها مش عالى و لا ضعيف ...
بتتحكم فى تصرفاتها و كلامها عند الغضب ...
لاتفرض اراءها على الآخرين بل تملك قوة الاقناع للآخرين بالحجة و المنطق ..فقوتها فى عقلها و ليس فى صوتها
تحافظ على مظهرها و تعتز بأنوثتها و تعتبر شكلها نعمة من ربنا لازم تحافظ عليها
تتكلم بشكل فيه ثقة بالنفس و ليس تحدى للآخر ...يعنى تعرض رأيها بدون ان تذم او تطلق احكام على رأى الآخر
بتفكر دايما بشكل فوز- فوز ..يعنى ممكن ازاى نطلع احنا الاتنين فايزين فى نقاش
لا تخفى مشاعرها الجميلة ..بالعكس فهى تعتبر ان قوة عاطفتها و حنانها و حبها و رحمتها قوة تمنحها المزيد من المصداقية
فى تصرفاتها بتفكر فى مصلحتها و مصلحة الآخرين بحيث لايطغى واحد على التانى
الرجل يحب المرأة القوية فى غيابه ولكنها تستضعف بين يديه ..لابد أن يشعر أمامها انه الاقوى و الأذكى و الأمهر و الأفضل ..لابد أن يشعر بالدرجة (و للرجال عليهن درجة )
يحب الذكية التى تفيده برأيها و حكمتها و لكن تبدو انها تسير فى كنفه أمام الآخرين ..يعنى تديله برستيجه ووضعه أدام الناس
يحبها مسترجلة طبعا مع الرجال الآخرين و فى كامل انوثتها معاه
قوة المرأة الداخلية سعادة ليها قبل ما تكون سعادة لزوجها
لانها قادرة بعقلها و قلبها و روحها ان تحل اغلب المشكلات التى تواجهها بقوة التفكير و الرفق و المبادىء و الذوق
ليست هناك تعليقات:
إرسال تعليق