و القوة الحقيقية هى قوة العقل و ليست قوة الجسد
ياما ناس اجسامهم قوية و عقولهم زى الاطفال
و تلاقى الشاب من دول طول بعرض ..و قاعد ياخد فى هرمونات تنفخ عضلاته ..و يروح الجيم و يلعب رياضة عنيفة علشان جسمه يعجب البنات
و تلاقيه عقله و تفكيره !!!!!!!!..ربنا ستار حليم
و قوة العقل بتظهر فى كذا صورة
منها القدرة على حل المشكلات و اتخاذ القرارات و التخطيط السليم للمستقبل وامتلاك مهارات التفكير الفعال
منها القدرة على كبح جماح المشاعر و السيطرة عليها
و منها الذكاء النوعى و القدرة على اكتشافه و تنميته و حسن توظيفه
قوة العقل التى اعنيها الآن هى قدرته على السيطرة على مشاعره
الكثير من الناس يشكو من العصبية و فقدان السيطرة على النفس وقت الغضب ....و نورث هذا الأمر بأولادنا لامحالة
فلو بتشتكى من ابنك العصبى ...و انت عصبى أو عصبية ..فلاتلوم الا نفسك ...انت الى علمته فقدان السيطرة على تصرفاته اثناء الغضب
لكن لو انت انسان قوى و متحكم هنبدأ نركز على معانى كتيرة مع الطفل
التركيز على ان الصوت العالى و الصراخ ليس علامة القوة ..بل علامة الضعف و عدم النضج
البيبى الصغير مش بيعرف يتحكم فى البول و البراز و الترجيع و افرازات الأنف
و البيبى الكبير مش بيعرف يتحكم فى البول و البراز و الافرازات الى طالعة من بقه ..فى كلامه ..دا زى دا بالظبط ....وعدم تحكمك فى الكلام بيخليك بيبى بس ضخم الجثة
الحيوان لما حد بيهجم عليه بيدافع عن نفسه بانه ينطح و يرفس و يعض بنفس أسلوب المهاجم
لكن الانسان الى ربنا وهبه العقل ....قدر انه يسيطر على أقوى الحيوانات زى الأسود و النمور بقوةالعقل ...بيخدره ويصطاده و يدبحه و ياخد الجلد بتاعه و يستفيد منه ..و هو دا الفرق بين الانسان و الحيوان
لو حد شتمك ...لا تنحدر ابدا لمستواه ...و لا تجعله يفرض عليك كيف تكون ...تعامل أنت بأخلاقك و لا تنحدر لمستواه ....هو كدة هيبقى أقوى منك لانك خلاك زيه
و مش معنى كدة مش هتاخد رد فعل ...بل السلبية مرفوضة تماما ...ردود أفعالك لابد ان تتسم بالانسانية (انت لست حيوان ) و القوة (انت لست بيبى )و العقل (انت انسان ناضج )
معانى كتيرة لازم توصل للطفل و يتدرب ازاى يتصرف بشكل عاقل و مسيطر فى المواقف المختلفة ...بقوة العقل
بصراحة شديدة اقولها للكبار قبل الصغار ...لاننا الى محتاجين نتربى عليها الأول علشان نقدر نوصلها لابنائنا
ليست هناك تعليقات:
إرسال تعليق