قالت : زوجى لايهتم ابدا بنظافته الشخصية لدرجة انى بكون متضررة اثناء العلاقة الحميمة
كلمته كتير و مفيش فايدة
حبيبتى
دا بيبقى طبع اتعود و اتربى عليه
بس ممكن يتصلح بشطارتك و ذكائك مش بالكلام المباشر لان الكلام المباشر ممكن يكون مؤذى و جارح و ممكن يخليه يعند
انت ممكن بشوية دلع و مياصة و حنية و رقة تصلحى الحاجات دى
تعالى ياحبيبى البس اللبس دا ....
شوف انا جبتلك ايه ..
انا بحب اوى الطقم دا عليك ..
تعالى ورينى جمالك كدة
و لما يلبسه امدحيه و اظهرى اعجابك بيه وانبهارك بجماله و شياكته ووسامته ...حسسيه انه مثير كمان
ايه رايك احلق لك ذقنك ؟ ..تعالى نجرب ..
انا نفسى اتعلم احلقهالك ...علشان الكسل الى انت فيه دا ..تعالى
و حاولى تتعلميها و حسسيه انك كدة بتدلعيه و بتتدلعى عليه خليه يحب يحلق ذقنه ووقت الحلاقة
هتيله هدايا برفانان و حطيها انت عليه و قوليله .اللللله شممنى ريحتك كدة ..
بوسة و حضن و قوليله رحتك جميلة و ابداء الاشواق و نظرات اغراء و كدة
لو عايزاه يستحمى قوليله تعالى استحمى معايا و خليها لعبة و العبوا مع بعض فى البانيو
نظافته الشخصية انت ممكن تغيريها بدون نقد و بشكل غير مباشر
حتى لو ريحة بقه وحشة حطى نعناعة فى بقك و بوسيه و اديهاله فى بقه من بقك بحركة جميلة
انت ممكن تدلعيه و تنظفيه و تخليه بيلمع بشوية ذكاء و من غير ابداء القرف و التأفف
و هو لو لقاك مبسوطة و متشجعة للقاء بعدها هيتشجع صديقنى
و مرة فى مرة هيتعود على كدة قبل اللقاء
شجعى انت نفسك كمان لما تكونى حاسة انه عايزك ...البسى و اتزوقى و حطى برفان ..شغلى اغانى عاطفية ..حطى اضاءات و شموع ....حطى روايح فى الاودة ...حاولى تشجعى نفسك و تستعدى و تعديه هو كمان
حاجات كتير ممكن الزوجة تغيرها فى زوجها بقوة الانوثة بس المشكلة انها ضاعت من الكثير من النساء
ليست هناك تعليقات:
إرسال تعليق