قالت : ابنى عنده 16 سنة اتعرف على صحبة سيئة و بدأ يشرب سجاير ...و اكتشفت حديثا انه كمان بدأ يشرب حشيش ..حاولت بكل الطرق و مفيش فايدة
للاسف انحراف الشباب بنتكلم كتيرا عن كيف نتجنبه ...بالتركيز على بث الثقة فى النفس و انه يكون راجل مسئول عن تصرفاته
.لكن لما بيحصل بيبقى صعب جدا اننا كآباء نعالجه الا لو بإرادة ذاتية من الولد نفسه ... لأن سيطرتنا عليه بتكون معدومة
الى ممكن تعمليه انك تحافظى على علاقتك بيه بقدر الامكان و دايما تؤكدى ليه انك ابنى و انا بحبك و مهما حصل منك لن يتوقف حبى لك
و ان هذه الاعمال قد تثير غضبى و لكنها لا تؤثر ابدا على حبى ليك
و انا دايما بتمنى ليك الخير و انا شايفة ان السجاير و الحشيش دا شر لا خلاف عليه ...لكن انت راجل دلوقت و انت مسئول عن صحتك
توقفى لفترة عن فتح هذا الموضوع نهائى
اتكلمى معاه كتير فى مستقبله و هو ناوى يطلع ايه ..
و شجعيه و حفزيه
غيرى موضوع الكلام بدال كل ما تعدى معاه تكلميه فى مشكلة الاصدقاء و السجاير ...كلميه دايما عن مستقبله و نظرته ليه و ناوى على ايه
لو عنده موهبة ينميها و يتعاهدها
يمارس رياضة لو بيحب الرياضة
ياخد دورات كومبيوتر و لغة
يتعلم صنعة يدوية بيحبها
قوليله لازم تنجح فى حياتك ...ولازم تطور من نفسك
التعليم هيديك شهادة بس
لكن التطوير مهم لنجاحك
ساعديه انه يطور نفسه علشان لما يحس بالنجاح فى حاجة ترجع الثقة فى نفسه تانى و يشغله مستقبله عن هذه الأمور
ليست هناك تعليقات:
إرسال تعليق