لما تحددى الواجبات الى على المراهق تجاه نفسه و تجاه اسرته ...و قلنا مرة و اتنين و تلاتة و عشرة و مفيش فايدة
هنقوله : انا عايزك فى موضوع مهم ..لما تبقى فاضى قل لى علشان نتكلم
هتعدى تقوليله احنا حددنا الواجبات الى عليك
و قلنا كذا مرة و انت مش عايز تلتزم بالى اتفقنا عليه
انا بتعامل معاك كانسان كبير مسئول
و الدنيا ياحبيبى أخد و عطاء ..ماينفعش تفضل تاخد بس ..لازم تعطى
يمكن علشان بابا و ماما بيحبوا يعطوا بدون انتظار مقابل لانهم فعلا بيحبوك وهم ابوك و امك
لكن مش كل الناس بابا و ماما ...انت هتقابل اصناف كتير من البشر هتكون مسئول عن علاقتك بيهم ..و هتكون مسئول عن مهام كتيرة فى حياتك فى شغلك و اسرتك بعد كدة ...ولازم تتعود انك تعطى علشان تستمر فى الأخذ
فى الدنيا الى برة البيت...لو لم تعطى هتفقد الكتير
و انا حاولت اتكلم معاك انك لازم تؤدى مسئولياتك ..و بما ان الكلام مش نافع
انا مضطرة اسحب منك بعض المميزات ..علشان ادربك على الحياة مستقبلا
علشان تفهم ان ماينفعش تاخد بس ..و لو استمريت كدة هتفقد الكثير
انا مضطرة اسحب اللاب ...البلاى استيشن ...الموبايل ..العجلة ...المصروف ...الخروج ...شوف هو متعلق بايه و اسحبه لحد ما يتدرب انه يؤدى مسئولياته ...تسحب حاجة واحدة بس منهم
كلام بمنتهى الادب ..و الاحترام ..و العقل
المهم تبدأ بحاجة واحد بس من ضمن المسئويات ..يعنى عقاب واحد على اهمال واحد فقط فى المرة الواحدة
ليست هناك تعليقات:
إرسال تعليق