قالت الطفل لو حاسس انه مش عارف يكون صداقات فى نطاق المدرسه اساعده ازاى ؟
الطفل الى مش عارف يكون صداقات اسبابها كتير
ممكن ضعف ثقة فى النفس ..
و ضعف الثقة بييجى من الاسرة اولا
الحماية الزائدة ..الخوف عليه اوى من كل حاجة
الرعاية الزيادة ..خدمته فى كل حاجة و مابيعملش حاجة لنفسه ابدا ...
النقد الزيادة وعدم المدح ...حاسس انه مش كويس لانه مش بيعمل حاجة كويسة
العنف الاسرى اللفظى و الجسدى ..حاسس دايما انه مش كويس
الحرمان من الحب و الاحترام ..بيحس انه ليس أهل للحب و الاحترام و انه ولد وحش
عدم الثقة فى نفسه بيخليه خايف يكون صداقات لعدة اسباب :
خايف يضربوه و يهينوه ...زى ما الكبار فى البيت بيعملوا
خايف يبان عيوبه و اخطاؤه ..زى ما الكبار فى البيت بيعملوا
خايف يلعب معاهم أحسن مايعرفش يلعب و يعمل حاجة غلط ..لان مامته عمرها ما سابته يعمل حاجة لوحده واى حاجة بيعملها غلط
خايف يتعرف عليهم لان مامته مخوفاه من اى حد غريب
المهم الاسباب كتير اوى و بتبدأ من استعادة الطفل لثقته فى نفسه بالتوقف عن الاسباب أولا
و بعد كدة ممكن باكساب الطفل المهارات الاجتماعية
يعنى نعلمه و ندربه ازاى يختار اصحابه ..و مين اقرب واحد الى قلبه
ازاى يتعرف عليهم
ازاى يكسب حبهم بالهدية و المساعدة مثلا
ازاى لما ييجى يلعب معاهم يلعب كفرد منهم مش ريس عليهم
ازاى يتعاطف معاهم لو حد فيهم وقع مثلا او عيط لاى سبب
يتواصل معاهم على الموبايل و التليفون
مهارات اجتماعية كتيرة ممكن نكسبها للطفل بالتدريب
و لو مش قادر نحاول نساعده مع ابن الجيران مثلا
هو لو اتصاحب على واحد و قدر يكسب حبه هيستعيد الثقة فى نفسه و يحس انه ممكن الاطفال تحبه
لكن للاسف لو المربى معندوش المهارات دى ..بيبقى صعب يديها لأولاده
ليست هناك تعليقات:
إرسال تعليق