قالت : نعمل ايه فى الروتين اليومى ...و الملل الى طغا على حياتنا الاسرية
بس ياريت حلول عمليه وتدخل العقل
الملل يقتل الحب بين الزوجين لامحالة ..يعنى عشرة خمستاشر سنة وشهم فى وش بعض كل يوم صباحا و مساءا ....فعلا حاجة تزهق ..و خاصة لو مكشرين كمان
و الملل دا امر طبيعى جدا يطرأ على اى زوجين
لكنه امر ممكن نتحكم فيه و ليس امر واقع نقبله و نتعايش معاه
لاننا كدة بنقتل مشاعرنا بايدينا
التجديد يعنى الخروج عن المألوف
يعنى لو انت يومك كله حاجات تدخل العقل
يبقى التجديد انك تعملى حاجات بعيدة عن العقل ...اتجننى
شوية جنان يفك الملل و الكآبة صدقينى
التجديد دا ممكن يحصل جوة البيت و ممكن برة البيت و الاتنين مطلوبين
ممكن التجديد فى نفسك انت :
تجديد فى شكلك ...روحى اعملى نيو لوك
تجديد فى شخصيتك ...يعنى قررى تمثلى دور هيفاء وهبى والا نانسى انشاله لمدة ساعتين فى الشهر ..بدل ما انت عاملة فيها فردوس محمد علطول
تجديد فى البيت ...هاتى اضاءة جديدة ..غيرى اماكن العفش ...مفرش سرير جديد ...
تجديد فى اماكن جلوسكم و لقاءكم ...يعنى ليه ماتعدوش مع بعض فى الصالون ..و دايما مخليينه للضيوف و بيقدم واحنا محدش قعد عليه
طلعى مرة السرفيس المحطوط فى النيش و حضرى الغدا فيه
خلى اللقاء الحميمى فى اوقات و اماكن مختلفة
احتفلوا بالمناسبات السعيدة بتاعتكم
فكرى ..دورى على الانترنت ..فيه افكار كتيرة جديدة و مجنونة ممكن تعمليها ..و الستات المجددين بيفكروا ..استفيدوا منهم
خارج البيت ممكن تعملوا حاجات كتييييير
اقترحوا انتم بأة و اقدحوا زناد افكاركم ...قبل ما يصدى
ليست هناك تعليقات:
إرسال تعليق