قال : طيب اذا الواحد محتاج شريكة لحياته بكل ما تعنية الكلمة من توافق اجتماعى و ثقافى وعقلى و دينى واخلاقى .. المفروض يبحث عنها ازاى و فين !!
انا دايما بقترح على الشباب ان اقرب انسان لشخصيتك هو الى بيشاركك هوايتك
يعنى لو غاوى رياضة هتلاقيها فى النادى ..رياضية
لو غاوى قراءة و ثقافة هتلاقيها فى المنتديات الثقافية و الفاعليات الادبية
لو ليك نشاط تطوعى هتلاقيها شغاله معاك
لو ليك نشاط سياسى هتلاقيها فى الحزب او الحركة معاك
اما بأة لو غاوى قهاوى و كافيهات هتلاقيها فى المولات و الاسواق
و لو غاوى العاب كومبيوتر و فيسبوك هتلاقيها فى الجروبات
و لو غاوى بنات
ربنا هبتليك بواحدة مشت مع عشرين قبلك و ترسم عليك البراءة و الوداعة
لو معاك فى شغلك ممكن برده تلاقيها لو بتحب شغلك ...وهى كمان بتحب شغلها
المهم يبقى فيه قاسم مشترك بينكم تبدأوا منه
للاسف الشباب دلوقت بيقعد على الفيس يدور على بنت الحلال
قوم اعملك نشاط اجتماعى ووسع الدواير الاجتماعية بتاعتك علشان تلاقى البنت الى تناسبك
مش تبقى صيده لاى واحدة تقولك انا معجبة بيك و تقع فى حبها حتى لو مش مناسبة ليك نهائى
قوم سيب العالم الافتراضى و اعمل حاجة مفيدة فى حياتك
علشان ربنا يرزقك بالبنت الى بتعمل حاجة مفيدة فى حياتها هى كمان
ليست هناك تعليقات:
إرسال تعليق