قالت : كيف أشعر بالسعادة و السعادة رزق ؟
قلت لها : السعادة رزق ..و الرزق مش بيهبط من السما و انتى قاعدة على الكنبة ...الرزق يحتاج الى سعى و جهد
لو انتى مش سعيدة علشان حاسة بالوحدة و سعادتك مع الناس ...اعملى عزومات ..حفلات ...رحلات ...اى تجمعات و اعزمى فيها الناس الى انتى بتحبيهم و خليهم دايما حواليكى
لو انتى مش سعيدة علشان حاسة ان جوزك مش بيحبك بالرغم انك عاملاله كل حاجة ...
اعملى صداقات ..دورى على صداقاتك القديمة العزيزة عليكى والى كانوا بيحبوكى وانتى اهملتيهم و ابعدتيهم علشان خاطر جوزك .
و احيى العلاقة بيهم تانى و اسعدى بحبهم ..
او اعملى صداقات جديدة
لو انتى مش سعيدة علشان مش عاجبك اولادك ...
اتعلمى ازاى تربيهم صح ..روحى دورات ..اقرئى كتب ...شوفى فيديوهات واتعلمى وسائل جديدة للتعامل معاهم
لو انتى مش سعيدة علشان مش عارفة تحققى طموحك ...
اقرئى فى سير العظماء الى حققوا طموحهم بالرغم من الصعوبات الى واجهوها ...اتعلمى ازاى تحلى مشاكلك و تتخطى العواقب بمرونة ..اسألى الناس الى سبقوك فى نفس المجال ازاى اتخطى الصعوبة دى
احصرى تماما الحاجات الى منغصة عليكى عيشتك
و فكرى فى حلول عملية و خطوات لحلها أو تخطيها أو التكيف معاها
و حطى فى بالك ...كل مشكلة و ليها عدة حلول مش حل واحد بس
لو حل ما نفعش ..دورى على بديل
ليست هناك تعليقات:
إرسال تعليق