عندما أتلقى المشكلات سواء مشكلات شخصية أو اجتماعية
و أسال صاحب المشكلة تفتكر ايه اسباب المشكلة ؟
الناس غالبا ما يبحثون عن شماعة يعلقون عليها مشكلاتهم
الشباب منهم يعلقون كل مشكلاتهم على ابويهم ثم المدرسة و مدرسيهم ثم الحكومة و الدولة و المجتمع و الناس .
الازواج يعلقون كل مشكلاتهم على زوجاتهم ...حتى فشلهم فى العمل الى هى مالهاش دعوة بيه ..هى السبب برده
الزوجات يعلقون كل مشكلاتهم على أزواجهم ..حتى فشلهم فى تربية ابنائها و ادارة بيتها الى هو ملوش دعوة بيهم ..هو السبب فيه
ان هذا اللوم المتواصل للآخرين ...ساعات بيريحك لانك بتحمل اسباب المشكلة على حد تانى علشان تدارى ضعفك و تقصيرك و عجزك عن حلها ..و بيرميها فى ملعب ناس تانية
بس دا بيسبب تعاسة كبرى ليك انت شخصيا
احساسك انك لاتسيطر على حياتك ..و لا تملك من امر نفسك شىء ..
و انك دايما واقع تحت رحمة الاخرين هم من يصنعون ظروفك ..
و هم من يسيطرون على حياتك ..
انك تشعر كانك عروسة فى مسرح العرائس يحركها الآخرون يمنة و يسرة ..و هى لاتملك من امرها شىء
و ياسلام على الايمان لما ينزل على قلبهم كمان و ترمى الموضوع على القدر و النصيب
مع ان الانسان مخير فى اغلب احواله و مسير فى جزء بسيط جدا منها
وربنا لايجبرنا على اختياراتنا ...ربنا يعلم ماذا سنختار
لن تستطيع احداث اى تغيير فى حياتك الا ان استطعت ان تمسك بزمامها و أن تشعر بالسيطرة عليها و تبطل القاء اللوم المزمن على الآخرين
سعادتك و نجاحك انت من يصنعها
ليست هناك تعليقات:
إرسال تعليق