قالت : بعد سنوات العشرة ...عملت البدع ...متفانية الى أقصى درجة فى حبه و رعايته باعترافه هو ....و لكنى لم استطع أن أكسب حبه
الاسباب كتير اوى
أسباب فى شخصيتها هى نفسها زى الست اللوامة و كثيرة الشكوى و الشكاكة و النكدية و العصبية و الناقدة و المسيطرة و العنيدة و البذيئة ....يعنى فيها طبع منفر
ممكن هى لسة ماعرفتش مفتاح قلبه ..كل واحد فينا له مفتاح لقلبه ...الرجال فى الغالب يجذبهم الجمال الشكلى و الانوثة ...و بعضهم يجذبهم الثقافة و الذكاء ...و البعض يجذبهم الحنان ....البعض يجذبهم التدين
ممكن لسة مش فاهمة أولويات احتياجاته ...زى ماقلنا قبل كدة واحد عطشان و هيموت من العطش و انت قاعدة تديه فى أكل أكل ...مهما عملت أشكال و ألوان من الطعام ...هو بس محتاج شربة ماء
او ممكن الملل و الرتابة ..يعنى هى مش متجددة ..او ان حياتهم روتينية و مملة ..الماء الراكد يأسن
او ممكن تكون قايمة بدور الرعاية على اكمل وجه بس مش صديقة ....مش بيعرف ينفتح عليها لأى سبب
ممكن تكون المرأة نفسها مهملة فى نفسها ...يعنى متفانية جدا مع زوجها الى درجة اهمال نفسها ..شكلها ..ثقافتها ...ايمانها ...نفسيتها ...
المرأة المهملة فى نفسها لا تنال حب زوجها و تفقده مع الوقت
ليست هناك تعليقات:
إرسال تعليق