قالت : مش راضى يحكى لى عن خطوبته الماضية و تفاصيلها ...حاسة انه مخبى حاجة عنى
يا حبيبتى
يعنى انتى هتستفديى ايه لما تعرفى تفاصيل خطوبته السابقة ؟؟؟
صدقينى معرفة الماضى لن تفيدك بشىء و يمكن كمان تضرك
تخيلى لو قعد حكالك عنها و قال فيها كلمتين حلوين هيكون شعورك ايه ؟
والا حسيتى وهو بيتكلم عنها انه كان بيحبها و اتأثر جدا بالانفصال عنها
و الا لقيتى ان السبب خارج عن ارادته و هو كان فعلا عايز يرتبط بيها
هتفضلى حياتك كلها متعكننة
و ياسلام كمان لو قابلتوها بطريق الصدفة فى اى مكان على الكرة الارضية عقلك هيفضل يودى و يجيب و الشك ياحبيبى
ليه تجيبى لنفسك وجع القلب
الى فات مات
و انتى ملكيش دعوة بماضيه و مشاعره و خبراته لانك لم تكونى فى حياته وقتها
فلا تحاسبيه على ماضى انتهى
انا عارفة ان الست بتكون هتموت و تعرف التفاصيل
بس دا من العلم الى لو عرفتيه هيزعلك و مش هيفيدك بحاجة
و نصيحة للرجل كمان
اوعى تقول لخطيبتك تفاصيل علاقاتك او خطوباتك السابقة
قل لها رؤوس اقلام فقط
و ارفض تماما الخوض فى التفاصيل لان التفاصيل ممكن تسبب لك مرار طافح و انت حر
ليست هناك تعليقات:
إرسال تعليق