أولا : لديه القدرة على تأجيل سعادته من أجل سعادتك يعنى لما يبقى عنده ماتش كورة مهم عنده استعداد يأجله علشان يروح معاك يشترى حاجة مثلا او انه يتنازل عن خروجة مع اصحابه علشان يخرجك
ثانيا : حاضر بجوارك عندما تحتاجيه
يعنى لما تكونى زعلانة او متضايقة او محتاجة مساعدة بتلاقيه علطول حاضر جنبك وواقف معاك و بيساعدك و بيسمعك و يطبطب عليكى ..بس المهم يكون زعلك و احتياجك بحدود مش تسوقى فيها
ثالثا : ممكن تتكلمى معاه فى أى موضوع و تفتحى قلبك تماما و انت حاسة بالأمان و تعبرى عن كل مشاعرك و هو بيفهمها و يقدرها و يحترمها بس طبعا ماتجبيش سيرة الرجالة الى كانوا فى حياتك لان دا يثير الغيرة بشكل كبير
رابعا : يعطيك قدر كبير من الحرية فى قراراتك و مشاعرك و آرائك و يحترمها بدون ان ينتقدك او يفرض عليكى رأيه او يحسسك انك غلطانة أو يحسسك انك مش بتفهمى
احترامها لايعنى انه لازم ينفذها ..فيه فرق بينهم
التنفيذ بييجى بعد تفاهمكم لو انتم الاتنين مختلفين
خامسا : يقدر يتحمل المسئولية فى الأوقات الصعبة و يتصرف بكفاءة يعنى يقدر يحل المشكلات و يتخذ القرارات بكفاءة دون الحاجة الى مساعدة او انتظار المساعدة من اهله او اهلك او اى حد
سادسا : عنده القدرة على التعبير الصريح عن مشاعره من غير ما يعد يتخانق و يزعق على حاجات هايفة مالهاش علاقة بالموضوع ...فاهم نفسه كويس و عارف هو عايز ايه
سابعا : عنده القدرة على التعبير عن احتياجاته بدون ان يجرحك ...يعنى بيقولك انه محتاج كذا من غير ما يزعل و يتخانق او يهينك او يحسسك انك مش فاهماه او يحسسك بالتقصير معاه
ثامنا : متواضع و عنده القدرة على الصفح و التسامح لما تغلطى ..و ما يعدش يذلك علشان يصالحك سهل انه يسامح
تاسعا : عارف و فاهم انه خلاص مابقاش راجل لكنه هيبقى زوج ...تصرفاته تدل على انه عايز يشركك فى حياته وياخد رأيك فى حاجات تخصه و انك بالنسبة ليه صديقته و حبيبته
عاشرا : عارف و فاهم و بيحترم حريتك فى انك تقضى الوقت مع اصحابك ..او تكملى دراستك او تشتغلى أو تروحى بيت أهلك ....يعنى مش عايزك بتاعته انت بس .... عارف ان الجواز مشاركة و ليس تملك
هو دا العريس اللقطة من وجهة نظرى ...مش لازم يكون كلها بس على الاقل أغلبها
ليست هناك تعليقات:
إرسال تعليق