انك تفقدين حب زوجك عندما تفقديه القدرة على التحدث اليك
فى بداية العلاقة تكونين شغوفة بمعرفة كل ما يتعلق بزوجك فأنت تسمعين بحب و شغف دون إطلاق احكام عليه
و اطلاق الاحكام يعنى انك تدى حكم على كل تصرف بيحكيه .
دا تصرف عبيط ..دا تصرف انانى ..اصلك بخيل ..اصلك طماع ...انت كدة دايما عصبى ..انت كدة دايما مهمل ..انت كدة مبتعرفش تتصرف
وبعد الزواج بتكونى عرفتيه و عرفتى عيوب شخصيته
فييجى يحكيلك على تصرفاته فى شغله مثلا
تبدئى حضرتك تعلقى بالنقد ...السخرية ...اللوم ....المقارنة بينه و بين جوز اختك والا اخوك ...وابداء النصيحة
و تبدأ كلماتك تنزل فوق دماغه زى المطارق لحد ما تخليه ينخرس تماما ومعدش يحكى خالص
و مع الوقت تفقدى صداقته و تفقدى انفتاحه عليكى و تحسى انه اصيب بمرض الخرس الزوجى
و بعدين تشتكى انه معدش بيحبك ولا بيتكلم معاك
حبيبتى
تعلمى فن الانصات بحب ...اسمعى اكتر ما تتكلمى
و لما تتكلمى اتكلمى كلام ايجابى
استمعى و استفسرى و تفاعلى مع مشاعره و حسى بيه ...
و بطلى تحكمى على كلامه و تصرفاته
حسسيه بالامان لما ييجى يتكلم معاك انه لن يهاجم و لن ينتقد و لن يقل فى نظرك و لن يسخر منه
خلى كل كلماتك بث الثقة فيه و انه أدها و أدود و انه دايما بيتصرف بشكل رائع و انك فخورة بيه
خليه يلاقى حضن حنين يطبطب عليه فى أوقات ضعفه
يلاقى عقل يفهمه و يفهم مشاعره و يقدر انجازاته فى اوقات نجاحه
يلاقى روح تتفاعل معاه و تشاركه
انك تفقدين حب زوجك عندما لا تحسنى الاستماع و الانصات له بحب
تفقدين صداقته ..تفقدين ثقته فيك ...و تفقدين ايضا قدرته على الاستماع لك
ازاى هيسمعك ..و انت مش قادرة تسمعيه بحب
ليست هناك تعليقات:
إرسال تعليق