تفقدين حب زوجك من اعتقادك ان زوجك مسئول عن اسعادك ..أو انه السبب فى تعاستك
قلنا كثيرا ان السعادة مسئولية فردية ..كل انسان مسئول عن سعادته ..
لان السعادة دى أفكار ايجابية دايما فى العقل
و مشاعر ايجابية فى القلب ناتجة عما تفكرين فيه
و ضمير حى يقظ
و ايمان قوى بالخالق
و سلوكيات مهذبة تتناسب مع ماوقر فى الضمير الحى
هى دى الاسباب الذاتية للسعادة
و بعدين بتيجى شراء الحاجات الى بتحبيها ...
مزاولة انشطة انت تحبيها ....
قضاء وقت مع انسان بتحبه ..
عطاء و خدمات للآخرين ....
يعنى حاجات انت بتعمليها
لطف و مساعدة و حب الآخرين و منهم زوجك اكيد يجلب السعادة ...
و لكن اعتمادك فقط على عطاء الآخرين يسبب دوما احباطك و تعاستك
لانك دايما منتظرة حد يكلمك ..منتظرة حد يتصل بيكى ..منتظرة حد يسأل عليكى ..منتظرة حد يزورك ..منتظرة حد يعمل لك كذا
العلاقة الزوجية الناجحة ..انكم تتشاركوا سعادتكم مع بعض
اعتمادك عليه كليا فى منحك السعادة يجلب التعاسة غالبا ..
فالرجل مشغول بعمله أغلب الوقت ...و عندما يعود للبيت هو مشغول باشياء اخرى علشان يريح دماغه من قرف الشغل ..
الرجل غير مستعد فى كل وقت ان يمنحك ما تريدين ابحثى دوما عما يسعدك ...و شاركيه سعادتك
اسعاد امرأة مزاجها حلو دايما ..مهمة أسهل عند الرجل
طول ما هو شايفك كئيبة و متضايقة و بتشتكى ..
طول ماهو حاسس بالفشل ..
و حاسس ان مهما عمل مفيش فايدة
لو بيحبك بيكون فعلا عايز يسعدك بس مش عارف ازاى
و ساعات بيكون عارف بس مش قادر يعمل الى انتى عايزاه
و ساعات بيكون عارف و قادر بس عنده فتور و زهق و مفيش دافع جوانى لانك دايما متضايقة و بتشتكى
وساعات بيكون مكسل ..و ساعات بيكون مطنش ...و ساعات بيكون انتقام لانك آذيتيه
حبيبتى
طول ما انت معتمدة عليه فى جلب السعادة ...طول ما انت بتتوقعى منه حاجات يعملها علشان يسعدك ...و هو مش بيعملها ..
فتعدى تلوميه ازاى ماتعملش كذا و ازاى تعمل كذا ..
فيضايق انه فشل
و احساسه بالفشل مع التكرار و الاستمرار
بيخليه يدور على حاجة تانية ينجح فيها ..اما شغله ..واما علاقة تانية ..واما اصحابه ..و اما موبايله
جربى تكونى سعيدة من جواك ..مش من أفعاله
جربى دايما تكونى بتضحكى و فرفوشة و مزاجك حلو دايما أدامه ...
جربى انك تستمتعى باللحظة معاه بغض النظر عما حدث زمان منه
دا بيحمسه و يديه دافع انه يسعدك اكتر و اكتر
جربى و شوفى النتيجة
دا حتى لما تكونى بتضحكى و مبسوطة ..
و حصلت مشكلة خلتك تضايقى هيلفت دا انتباهه
و هيحاول يشوف ايه الموضوع و يساعدك
بدل ماهو حاطت فى مخه دايما ..هى وشها كدة مكشر علطول
ليست هناك تعليقات:
إرسال تعليق