السبع الموبقات هو سبع موضوعات مثيرة تتركز حولها معظم المشاكل الزوجية لما طرف يبدأ يهاجم الطرف التانى فيها
السبع الموبقات عند الرجل الى ممكن بيتحول فيها زومبى و دراكيولا و اينشتاين و عفريت نص الليل
شخصيته
قدراته الجنسية
أهله
شغله
اصحابه
موبايله
لابتوبه
معنى كلامى اننا نتكلم فيه بمنتهى الحذر و الحساسية و الذكاء بحيث نوصل الى احنا عايزينه بدون مانجرحه
و فيه كمان السبع الموبقات عند المرأة الى ممكن تتحول فيها الى أمنا الغولة وممكن مصاصة دماء
العيب فى جسمها و مظهرها وجمالها (دى عندها زى العيب فى قدراتك الجنسية بالظبط )
العيب فى أهلها (عندها زى العيب فى أهلك بالظبط )
الزواج الثانى ( زى احساسك لو قعدت هى تتمنى الجواز من واحد تانى و تندم على جوازها منك )
مدح اى ست تانية حتى لو كانت أمك ( زى احساسك لو مدحت و اعجبت باى راجل أدامك )
سيبى شغلك ( زى بالظبط لو قالت لك انت فاشل فى شغلك )
تربيتها للولاد ( لسان حالها بيقول : ماتربى انتى ياخويا لو مش عاجبك تربيتى )
نظافة و نظام البيت (ماهو انا مش الشغالة الى جايباهالك امك )
لما تحب تنتقد الآخر فى الموضوعات دى اختار الوقت المناسب و الاسلوب اللطيف الهادىء
ليست هناك تعليقات:
إرسال تعليق