قالت : احنا عايشين فى غربة و بنحاول نعوض اولادنا باللعب و الحلويات و مش بنحرمهم من أى حاجة
مع كل احترامى لرأيك بس دى فكرة فى منتهى الغلط
أولا : الطفل مش بيحس بالغربة طالما فى وسط باباه و مامته و اخواته ..و ليه اصحابه الى فى المدرسة بيحبهم و يحبوه ...
يعنى احاسك انتى بالغربة علشان بعيد عن اهلك لايشعر بيه الاطفال
ثانيا : الغربة دى مشاعر معنوية لاتعوضها المادة الا عند الكبار ..الكبار بيستحملوا الغربة علشان خاطر الدخل الاكبر
لكن الطفل المحروم معنويا من الحب و الحنان و الامان لايمكن يعوضه الحلويات و الالعاب
الاباء المشغولين بيعوضوا ولادهم عن غيابهم بالمادة
الاطفال بيتبرمجوا على كدة ....انهم لما يحسوا انهم مش محبوبين او يحسوا بعدم الامان و الاهتمام ..ياكلوا حلويات و يشتروا العاب
الحاجات دى مش بتشبعهم عن احتياجاتهم المعنوية ....فيطلبوا تانى و تانى
وتلاقى الطفل لايشبع و لا يقنع ابدا
ثالثا : الاطفال الى كدة لما بيكبروا بيتحولوا الى ازواج كل همهم فى الحياة انه يكسب فلوس و يشترى حاجات ...و الى زوجات كل همهم فى الحياة شراء الاشياء الى مالهاش لازمة ..هم يستمتعون بالشراء
الشراء بالنسبة ليهم متعة لانهم فاكرين ان دا بيعوضهم الناقص فى المشاعر
حاسين بنقص معنوى ...و بيعوضوه باشياء مادية ..و لايشبعون
ليست هناك تعليقات:
إرسال تعليق