أنا أتغيرت
كان زميلى فى الكلية
حبينا بعض بجنون و لكنه كان معدم ماديا
كان كل همنا اننا نتجوز بعد مانخلص
ضغطت على اهلى كثير علشان يساعدونا
و ضغط هو كمان على اهله و ادوله كل الى حيلتهم
كان عندى شقتى الى هى باسمى و جهزنى والدى بما يستطيعه و اكمل اهله الباقى و اتجوزنا
و بدأنا رحلة البحث عن عمل
كنت انزل كل يوم الصبح الف على الشركات اقدم فيها الcv بتاعنا احنا الاتنين و هو نايم فى البيت
طلبات البيت اجيبها و هو قاعد فى البيت على الانترنت
استمرت مساعدات اهلى و اهله و كانوا بيدونا زى مرتب شهرى
مكانش عنده اى استعداد انه يحس انه راجل و لازم يشتغل اى حاجة علشان يصرف على البيت
جت لى شغلانة فى شركة كويسة عن طريق اهلى و اشتغلت و كنت بصرف على البيت مع مساعدات اهلى
حملت و انجبت و مكانش ينفع اسيب ابنى فى حتة فاضطريت اقعد فى البيت
وكان كل ما ينزل يشتغل فى حاجة يعد شهرين تلاتة و يتخانق و يسيبه و يمشى
و يعد شهرين تلاتة فى البيت
حسيت انى مش متجوزة راجل
كان خيال مآته
حياتنا كانت طول النهار زعيق و اهانة و شتيمة فى و فى اهلى
دا غير علاقاته الى على الانترنت و هجره لى
لحد ما فيوم ضربنى علشان اروح اجيب فلوس من اهلى
فطلبت الطلاق مارضيش طبعا و اهله تدخلوا لأن مالوش مأوى ....لان أخوه اتجوز معاهم فى نفس شقتهم
رفعت قضية خلع و اخيرا حسيت انى انسانة جديدة
و انى شلت من على قلبى هم فظيع
كان فين عقلى لما اخدت واحد عاطل لسة ما اشتغلش
كان فين عقلى لما ارتضيت انى اشتغل و هو قاعد فى البيت ملوش اى لازمة
مش عارفة ليه قبلت اعيش خمس سنين من حياتى بالمنظر دا
هل حبى ليه ؟
هل كان عندى امل انه لما يشتغل هيتغير ؟
رجعت شغلى تانى و ناوية انجح فيه بكل قوتى
و مقيمة فى شقتى الحمد لله ومعايا ابنى و اهلى بيساعدونى كمان
وانا بوجه رسالة لكل أب مقتدر
زى ما تعمل لابنك اعمل لبنتك
ستات كتير اوى غيرى مستحملين المرار علشان مش لاقيين مأوى ليهم
فى الزمن دا ...الزمن الى معدش فيه ست بتطلق و تفضل قاعدة فى بيتها
اى واحدة بتطلق بتتطرد من بيتها هى و اولادها
و لو رفعت قضايا بتعد سنين و سنين علشان يتحكم ليها
و لو اتحكم ليها مش هتقدر تنفذ الحكم فى بلد ضاع فيها العدل
بنتك محتاجة لبيت باسمها اكتر من احتياج ابنك
ابنك لو اتطلق بياخد شقته
لكن لو بنتك اطلقت بعد عمر طويل هتتشرد بعيالها
كان زميلى فى الكلية
حبينا بعض بجنون و لكنه كان معدم ماديا
كان كل همنا اننا نتجوز بعد مانخلص
ضغطت على اهلى كثير علشان يساعدونا
و ضغط هو كمان على اهله و ادوله كل الى حيلتهم
كان عندى شقتى الى هى باسمى و جهزنى والدى بما يستطيعه و اكمل اهله الباقى و اتجوزنا
و بدأنا رحلة البحث عن عمل
كنت انزل كل يوم الصبح الف على الشركات اقدم فيها الcv بتاعنا احنا الاتنين و هو نايم فى البيت
طلبات البيت اجيبها و هو قاعد فى البيت على الانترنت
استمرت مساعدات اهلى و اهله و كانوا بيدونا زى مرتب شهرى
مكانش عنده اى استعداد انه يحس انه راجل و لازم يشتغل اى حاجة علشان يصرف على البيت
جت لى شغلانة فى شركة كويسة عن طريق اهلى و اشتغلت و كنت بصرف على البيت مع مساعدات اهلى
حملت و انجبت و مكانش ينفع اسيب ابنى فى حتة فاضطريت اقعد فى البيت
وكان كل ما ينزل يشتغل فى حاجة يعد شهرين تلاتة و يتخانق و يسيبه و يمشى
و يعد شهرين تلاتة فى البيت
حسيت انى مش متجوزة راجل
كان خيال مآته
حياتنا كانت طول النهار زعيق و اهانة و شتيمة فى و فى اهلى
دا غير علاقاته الى على الانترنت و هجره لى
لحد ما فيوم ضربنى علشان اروح اجيب فلوس من اهلى
فطلبت الطلاق مارضيش طبعا و اهله تدخلوا لأن مالوش مأوى ....لان أخوه اتجوز معاهم فى نفس شقتهم
رفعت قضية خلع و اخيرا حسيت انى انسانة جديدة
و انى شلت من على قلبى هم فظيع
كان فين عقلى لما اخدت واحد عاطل لسة ما اشتغلش
كان فين عقلى لما ارتضيت انى اشتغل و هو قاعد فى البيت ملوش اى لازمة
مش عارفة ليه قبلت اعيش خمس سنين من حياتى بالمنظر دا
هل حبى ليه ؟
هل كان عندى امل انه لما يشتغل هيتغير ؟
رجعت شغلى تانى و ناوية انجح فيه بكل قوتى
و مقيمة فى شقتى الحمد لله ومعايا ابنى و اهلى بيساعدونى كمان
وانا بوجه رسالة لكل أب مقتدر
زى ما تعمل لابنك اعمل لبنتك
ستات كتير اوى غيرى مستحملين المرار علشان مش لاقيين مأوى ليهم
فى الزمن دا ...الزمن الى معدش فيه ست بتطلق و تفضل قاعدة فى بيتها
اى واحدة بتطلق بتتطرد من بيتها هى و اولادها
و لو رفعت قضايا بتعد سنين و سنين علشان يتحكم ليها
و لو اتحكم ليها مش هتقدر تنفذ الحكم فى بلد ضاع فيها العدل
بنتك محتاجة لبيت باسمها اكتر من احتياج ابنك
ابنك لو اتطلق بياخد شقته
لكن لو بنتك اطلقت بعد عمر طويل هتتشرد بعيالها
ليست هناك تعليقات:
إرسال تعليق