- سوء التربية و التواصل :
التربية القائمة على نقد الاخطاء دون مدح الصواب ...
أغلب آباءنا و أمهاتنا مكانوش بيمدحونا ..كان كل تركيزهم على نقد الاخطاء و بالتالى اتربى فى نفوسنا ان احنا اطفال مش كويسين ...و دايما بنعمل غلطات ...
.بداية نظرتنا لنفسنا بتتبنى من نظرة والدينا لينا أساسا ..و بما ان والدينا مش راضيين دايما علينا يبقى احنا وحشين
و بعدين لما دخلنا المدرسة لقينا برده المدرسين مركزين على غلطاتنا اكتر من انجازاتنا ..حتى تلاقى الغلط باللون الاحمر و فضايح و عقوبات
وبعدين لما اتجوزنا لقينا شركاء حياتنا عمرهم ماقالوا فينا كلمة حلوة الا نقد الاخطاء
طب يعنى لما كل الناس مش شايفين الا غلطاتى ...يبقى انا هبقى كويس ازاى ؟
- الخوف من المجهول :
فيه ناس عندها خوف و رعب من حاجة هتحصل فى المستقبل .
و دا الى بيخلينا عندنا رعب من الحسد و من الاعمال و السحر و الجن و القوى الخفية الى هتؤذينا
و بنأوفر جدا تأثير الحاجات دى على حياتنا و طول النهار بنتفرج عليها و نحب نسمع الحكاوى دى ..
دا سبب مهم فى مجتمعاتنا العربية لعدم الثقة فى النفس و الخوف المزمن
دا غير الخوف من البلطجية و الحرمية و المتحرشين و الارهابيين ..و...و.... و نشر اخبارهم بشكل هستيرى بتخلى الناس تترعب اكتر
دا غير الخوف من العسكرى الى اتربى فينا من صغرنا و الحمد لله طلعنا كلنا بنخاف و نترعب منه حتى و احنا كبار
و حتى لما اتخلص الشباب منه ..جبناه تانى... لاننا مش قادرين نعيش من غير حد نخاف منه و نعمل له حساب
دا غير طبعا أمنا الغولة و أبو رجل مسلوخة و الأشكيف و أمن الدولة ..و ..و...
- عدم الرضا عن الشكل :
السعى العالمى المحموم الى جمال الشكل و المظهر ووضع مقاييس عالمية للجمال و تكدس مراكز التجميل و هوس عمليات التجميل و الاهتمام المبالغ فيه بالشكل
خلا الناس تحس انها دايما مش راضية عن شكلها ..
و دا كان فى النساء زمان اكتر ..
لكنه ظهر فى الرجال كمان و بقينا نسمع على الواد المز و البنت الى بترفض واحد محترم علشان مناخيره كبيرة او بقه كبير
- الجهل و عدم المعرفة :
لما البنت أو الشاب يفاجأ بمسئوليات الزواج او مسئوليات التربية دون ادنى فكرة ليهم عن الموضوع قبل كدة ..اكيد هيحسوا انهم فاقدين الثقة بنفسهم و مش عارفين يتصرفوا فى مشاكلهم ازاى
زى الى قعد واحد مش بيعرف يسوق ادام الدريكسيون و قاله لازم تسوق ..اكيد طبعا جهله هيخليه يتصرف بانعدام ثقة
- التجارب الفاشلة :
تجارب الفشل السابقة فى مجال معين بيخلى طبعا الانسان يفقد الثقة فى نفسه ..
زى واحد بيسقط دايما فى مادة معينة فبيبقى داخل الامتحان و هو متوقع الفشل قبل النجاح
- سوء تنظيم الوقت :
فيه ناس ملخبطة جدا فى حياتها ...ووقتها مش بتعرف تسيطر عليه و بالتالى لا تنجز ..تلاقى وقتها ضايع فى حاجات مالهاش لازمة و تيجى للمهم و ماتعملوش و بالتالى دايما تبان انها فاشلة لانها غير منجزة
الأسباب كتير
المهم فى طريقك لبناء ذاتك
انك تحط ايدك على السبب الرئيسى لان كلنا عندنا الاسباب دى بس بنسب متفاوتة ..
المهم تعرف السبب الاساسى او الى واجعك اوى علشان تقدر تعالجه
و يبقى من صميم اهتمامنا اننا نجنب اولادنا الاخطاء دى لبناء ثقتهم فى نفسهم
التربية القائمة على نقد الاخطاء دون مدح الصواب ...
أغلب آباءنا و أمهاتنا مكانوش بيمدحونا ..كان كل تركيزهم على نقد الاخطاء و بالتالى اتربى فى نفوسنا ان احنا اطفال مش كويسين ...و دايما بنعمل غلطات ...
.بداية نظرتنا لنفسنا بتتبنى من نظرة والدينا لينا أساسا ..و بما ان والدينا مش راضيين دايما علينا يبقى احنا وحشين
و بعدين لما دخلنا المدرسة لقينا برده المدرسين مركزين على غلطاتنا اكتر من انجازاتنا ..حتى تلاقى الغلط باللون الاحمر و فضايح و عقوبات
وبعدين لما اتجوزنا لقينا شركاء حياتنا عمرهم ماقالوا فينا كلمة حلوة الا نقد الاخطاء
طب يعنى لما كل الناس مش شايفين الا غلطاتى ...يبقى انا هبقى كويس ازاى ؟
- الخوف من المجهول :
فيه ناس عندها خوف و رعب من حاجة هتحصل فى المستقبل .
و دا الى بيخلينا عندنا رعب من الحسد و من الاعمال و السحر و الجن و القوى الخفية الى هتؤذينا
و بنأوفر جدا تأثير الحاجات دى على حياتنا و طول النهار بنتفرج عليها و نحب نسمع الحكاوى دى ..
دا سبب مهم فى مجتمعاتنا العربية لعدم الثقة فى النفس و الخوف المزمن
دا غير الخوف من البلطجية و الحرمية و المتحرشين و الارهابيين ..و...و.... و نشر اخبارهم بشكل هستيرى بتخلى الناس تترعب اكتر
دا غير الخوف من العسكرى الى اتربى فينا من صغرنا و الحمد لله طلعنا كلنا بنخاف و نترعب منه حتى و احنا كبار
و حتى لما اتخلص الشباب منه ..جبناه تانى... لاننا مش قادرين نعيش من غير حد نخاف منه و نعمل له حساب
دا غير طبعا أمنا الغولة و أبو رجل مسلوخة و الأشكيف و أمن الدولة ..و ..و...
- عدم الرضا عن الشكل :
السعى العالمى المحموم الى جمال الشكل و المظهر ووضع مقاييس عالمية للجمال و تكدس مراكز التجميل و هوس عمليات التجميل و الاهتمام المبالغ فيه بالشكل
خلا الناس تحس انها دايما مش راضية عن شكلها ..
و دا كان فى النساء زمان اكتر ..
لكنه ظهر فى الرجال كمان و بقينا نسمع على الواد المز و البنت الى بترفض واحد محترم علشان مناخيره كبيرة او بقه كبير
- الجهل و عدم المعرفة :
لما البنت أو الشاب يفاجأ بمسئوليات الزواج او مسئوليات التربية دون ادنى فكرة ليهم عن الموضوع قبل كدة ..اكيد هيحسوا انهم فاقدين الثقة بنفسهم و مش عارفين يتصرفوا فى مشاكلهم ازاى
زى الى قعد واحد مش بيعرف يسوق ادام الدريكسيون و قاله لازم تسوق ..اكيد طبعا جهله هيخليه يتصرف بانعدام ثقة
- التجارب الفاشلة :
تجارب الفشل السابقة فى مجال معين بيخلى طبعا الانسان يفقد الثقة فى نفسه ..
زى واحد بيسقط دايما فى مادة معينة فبيبقى داخل الامتحان و هو متوقع الفشل قبل النجاح
- سوء تنظيم الوقت :
فيه ناس ملخبطة جدا فى حياتها ...ووقتها مش بتعرف تسيطر عليه و بالتالى لا تنجز ..تلاقى وقتها ضايع فى حاجات مالهاش لازمة و تيجى للمهم و ماتعملوش و بالتالى دايما تبان انها فاشلة لانها غير منجزة
الأسباب كتير
المهم فى طريقك لبناء ذاتك
انك تحط ايدك على السبب الرئيسى لان كلنا عندنا الاسباب دى بس بنسب متفاوتة ..
المهم تعرف السبب الاساسى او الى واجعك اوى علشان تقدر تعالجه
و يبقى من صميم اهتمامنا اننا نجنب اولادنا الاخطاء دى لبناء ثقتهم فى نفسهم
ليست هناك تعليقات:
إرسال تعليق